1 Күүлэккэ эдэр ыччаты түмэр, чөл олоҕу өрө тутар, нэһилиэк историятын үөрэтэр сыаллаах-соруктаах «Здоровый наслег» бырагырааматын чэртитинэн ыытыллыбыт «МОЛКВЕСТ» хамаанданан спортивнай ориентированиеҕа бэрт сэргэх күрэх буолан ааста.
Уопсайа 6 саамай быһый, саамай сытыы-хотуу, саамай хорсун, саамай эрчимнээх 4 киһи састааптаах, ол иһигэр икки эр бэрдэ, икки кэрэ аҥаар күөн көрүстэ. Күрэх балаһыанньатынан күрэхтэһээччилэр 8 станциянан сүүрэ сылдьан сорудахтары толордулар.
Түмүккэ кыайыылаахтар грамотанан, кубогунан, олохтоох дьаһалта туруорбут сертификатынан наҕараадаланнылар. Ол курдук киирсии түмүгүнэн: бочуоттаах III миэстэни «Отчуттар» хамаанда ылла. Хамандыыр — Тутукаров Арылхан, Евсеева Марина, Григорьев Радомир, Тутукарова Анжела. 20000 суммалаах сертификатынан наҕараадаланнылар. II миэстэ – «Бөрөлөр» хамаанда. Хамандыыр — Никифоров Петр, Окоемов Роман, Иванова Аиша, Тутукарова Сайаана. 32000 суммалаах сертификат хаьаайыттара буоллулар. Тыҥааһыннаах киирсии түмүгүнэн I миэстэҕэ таҕыста эдэр ыаллар «Дружба» хамаандалара. Матрена уонна Егор Федоровтар, Анна уонна Ариян Слепцовтар 40000 суумалаах сертификат тутан үөрүүлэрэ үксээтэ.
Күрэх кэннэ эдэр ыччат мустан «Томмот» сиригэр сынньалаҥ доҕордоһуу киэһэтин тэрийдэ. Сынньанар сири ыраастаан-хомуйан, аһыыр остуол оҥордо. Костер тула олорон, күлэн-үөрэн араас оонньуу оонньонно, волейболлаан да ыллылар.
Бу күрэҕи тэрийсибит эдэр ыччака, чуолаан организатордарга Петр Филиппов, Дария Захарова, Наталья Федотова, Прокопий Николаев, Прокопий Федотов, Лариса Самсонова, Анатолий Лыткинна барҕа махтал буолуохтун! Күүс-көмө буоланнар биир сомоҕо курдук, үрдүк таһымнаахтык күрэхтэһиибитин түмүктээтибит. Өссө даҕаны интириэһинэй тэрээһиннэр буола турдуннар.
Филипп Левин.