1 Күүлэккэ — «Сайдам саха ыала» дьиэ кэргэн күрэһэ

1 Күүлэт нэһилиэгэр ахсынньы 21 күнүгэр Арассыыйаҕа Дьиэ кэргэн, Саха Өрөспүүбүлүкэтигэр оҕо аймах сылларын түмүктүүр «Сайдам саха ыала» диэн Күүлэт түбэ нэһилиэктэрин икки ардыгар дьиэ кэргэн күөн күрэһэ буолла. Манна ыаллыы сытар нэһилиэктэртэн, 1 Күүлэттэн түөрт дьиэ кэргэн кытынна.

Күрэх биэс түһүмэхтэн турда. Ол курдук «Айыыһыппыт айбытынан, алаһа дьиэбит арчыланнын» түһүмэххэ дьиэ кэргэни билиһиннэрии.


«Остуоруйа эйгэтигэр» — остуоруйаттан быһа тардан көрдөрүү.
«Үс төгүл үс» — спортивнай түһүмэх.

«⁠Саха сандалыта» — сахалыы астарынан композиция.

«⁠Айар куппут саргыланнын»-дьиэ кэргэн талаанын арыйыы.


Кыайыылаахтарга «Күүлэт 1-кы» МТ дьаһалтата бириистэри туруорда.1 миэстэҕэ — 30000 солк, 2 миэстэҕэ — 20000 солк, 3 миэстэҕэ 10000 солк, маны таһынан анал бириистэр — 5000 солк суумалаах сертификаттар туттарылыннылар.


Күрэхтэһии түмүгүнэн кылаан кыайыылааҕынан 1 Күүлэт нэһилиэгиттэн 7 оҕолоох Филипповтар дьиэ кэргэттэрэ буолла.
1 үрдэл — Тылгыныттан Кылабысовтар дьиэ кэргэттэрэ.
2 үрдэл — 1 Күүлэттэн Васильевтар дьиэ кэргэттэрэ.

Норуоппут кэскилэ — саха сайдам ыала. Дьиэ кэргэҥҥитигэр или-эйэни, ситиһиилэри, дьолу-соргуну баҕарабыт. Кэлэн иһэр саргылаах Саҥа дьыл үгүс элбэх үтүөнү аҕаллын.

Екатерина Григорьева, 1 Күүлэт.

Читайте дальше