М.Н. Жирков аатынан Бүлүүтээҕи оҕо искусствотын оскуолатын дириэктэрэ Анастасия Николаева Афанасий Ноев СӨ Култуураҕа уонна духуобунай сайдыы миниистиринэн анаммытынан эҕэрдэлээн туран таһаарыылаахтык үлэлииргэ бэлэмнэрин туһунан санаатын үллэһиннэ:
— Быйылгы үөрэх дьылыгар оскуолабытыгар «Култуура» национальнай бырайыак чэрчитинэн музыкальнай инструменнар, үөрэтэр пособиелар кэлбиттэрэ. Бу оҕону кэрэ эйгэтигэр үөрэтэргэ улахан көмө буолар.
Биһиги оскуолабыт коллектива Афанасий Иванович СӨ Култуураҕа уонна духуобунай сайдыы миниистиринэн анаммытын сэргээтэ, истиҥник эҕэрдэлиибит. «Земский работник культуры» диэн бырайыагы олоххо киллэриэ уонна өрөспүүбүлүкэбитигэр искусство оскуолаларын преподавателлэринэн хааччыйыы үлэтэ күүскэ барыа, бииргэ, түмсүүлээхтик үлэлэһиэхпит диэн эрэнэбин.