“Азия оҕолоро” оонньууларга Бүлүүттэн төрүттээх Афоня Егоров ытыыга кыттыа

Бүлүүтээҕи оҕо спортивнай оскуолатын буулдьалаах саанан ытыыга тириэньэрэ Анна Иванова эрчийбит оҕото, билигин Бэрдьигэстээххэ үөрэнэр Афоня Егоров “Азия оҕолоро” оонньууларга кыттар.

Биһиги “Модун” спорткомплекска В.Г.Румянцев аатынан Бүлүүтээҕи оҕо спортивнай оскуолататын буулдьалаах саанан ытыыга тириэньэрин Анна Иванованы көрүстүбүт. Кини тириэньэринэн үлэтин саҕалыаҕыттан элбэх бэргэн ытааччылары иитэн таһаарбыта биллэр.

Анна Иванова билигин “Азия оҕолоро” VIII спортивнай оонньуулар ытыыга күрэхтэһиилэрин судьуйата буолар. Кини үөрэппит оҕото, 9 кылааһы бүтэрбит Афоня Егоров Саха сирин II хамаандатын састаабыгар киирэн быйылгы “Азия оҕолоро” оонньууларга күрэхтэһиэхтээх. Тириэньэр Анна Егоровна иитиллээччитэ “Азия оҕолоро” оонньууларга хайдах кыттар кыахтаммытын кэпсээтэ:

“Азия оҕолоро” спортивнай оонньууларга кытыннараары үчүгэй көрдөрүүлээх Афоня Егоровы, Меркурий Томскайы, Дамир Фомины уонна Андрей Бойковы Бэрдьигэстээххэ тэриллибит ытар тирдээх Ытыы спортивнай комплексыгар үөрэттэрэ ыыппытым.

Кинилэртэн “Азия оҕолоро” спортивнай оонньууларга Афоня Егоров эрэ кыттар быраабы ылла. Кини миэхэ 6 кылаастан  эрчиллибитэ, өрөспүүбүлүкэтээҕи күрэхтэһиилэр кыайыылаахтара, призердара буолар.

Бүлүүттэн төрүттээх Афоня Егоровка ситиһиилэри баҕарыахха!

Николай Куприянов.  

Читайте дальше