Бүгүн, балаҕан ыйын 27 күнүгэр, Балаҕаччы нэһилиэгэр Саха Өрөспүүбүлүкэтин Судаарыстыбаннаһын күнүн чэрчитинэн «Саха Сирэ – төрөөбүт түөлбэттэн саҕаланар» диэн тэрээһин буолан ааста.
Тэрээһин сүрүн сыала-соруга — үүнэр көлүөнэҕэ нэһилиэк историятын, сайдыытын урукку кэминээҕи тутууларынан экскурсия быһыытынан кэрийэ сылдьан кэпсээһин буолла.
Оҕолор олус кэрэхсээтилэр, төрөөбүт түөлбэрин туһунан элбэҕи көрдүлэр-иһиттилэр.
Экскурсия кэннэ «Чэчир» сынньалаҥ киинигэр Саха сирин Судаарыстыбаннаһын күнүгэр аналлаах презентация көрүүтэ буолла, тэрээһин өрөгөй ырыатынан түмүктэннэ.
Анна Пермякова.