Бүлүү улууһун быыбардыыр хамыыһыйатын бэрэссэдээтэлэ Тимофей Иванов Бүлүү улууһун быыбардааччыларын быыбардарга көхтөөхтүк кытталларыгар ыҥырар:
— Бүлүү улууһун ытыктабыллаах быыбардааччылара! Бүгүн балаҕан ыйын 8 күнүгэр Бүлүү улууһугар хас да таһымнаах быыбардар саҕаланнылар. Улуус бары нэһилиэнньэлээх пууннарыгар баар 34 учаастактааҕы быыбардыыр хамыыһыйалар үлэлэрин сарсыарда 8 чаастан саҕалаатылар.
Бүлүү улууһугар олорор 17564 быыбардааччы 34 учаастакка кэлэллэрин кэтэһэбит. Быыбарга барыта 5 бүлүтүөн бэриллэр: бастакытынан, Саха Өрөспүүбүлүкэтин Баһылыгын – Ил Дарханы быыбардыыр бүлүтүөн, иккиһинэн, Ил Түмэн депуттарын биир мандаттаах уокуруктарынан уонна баартыйалар испииһэктэринэн быыбардыырга 2 уонна оройуон Сэбиэтин депутаттарын биир мандаттаах уокуруктарынан уонна баартыйалар испииһэктэринэн таларга 2 бүлүтүөн бэриллэр.
Ытыктабыллаах Бүлүү улууһун олохтоохторун бу үс хонукка быыбардыыр учаастактарга кэлэн гражданскай иэскитин толороргутугар ыҥырабыт!
Николай Куприянов.