Баппаҕаайы нэһилиэгэр уопсайа 13 Герой аатын ылбыт ийэлэртэн билигин 3 ийэ баар. Олортон биирдэстэригэр Николаева Евдокия Николаевнаҕа Бүлүү улууһун Бочуоттаах бэтэрээнэ аат иҥэриллиннэ. Евдокия Николаевна 11 оҕо күн күбэй ийэтэ, элбэх сиэн, хос сиэн тапталлаах эбээтэ.
Биһиги нэһилиэк биир киэн туттар киһибит, ытык кырдьаҕаспыт Прокопьева Мария Алексеевна быйыл 102 сааһыгар сылдьар, билигин да бэйэтин кыанар, киһини кытта сэһэргэһэр. Оҕолорун, сиэннэрин, хос сиэннэрин тапталларыгар угуттанан этэҥҥэ олорор.
Күндү ийэлэри, эбээлэри, ытыктыыр, убаастыыр дьоммутун кэлэн иһэр Ийэлэр күннэринэн Баппаҕаайы нэһилиэгин олохтоохторун аатыттан эҕэрдэлиибит, чэгиэн доруобуйаны баҕарабыт.
Егор Николаев,
«Баппаҕаайы нэһилиэгэ» МТ баһылыга.