«Ылсыбыккын сатабыллаахтык оҥор» диэн Аркадий Гайдар «Тимур и его команда» сэһэнин геройа эппиттээх. Бу уолчаан саллааттар, офицердар дьиэ кэргэттэригэр кистээн көмөлөҺөрүн туһунан хас биирдии сэбиэскэй кэмнээҕи үөрэнээччи сөҕө-махтайа аахпыта уонна кини этиитин лозунг гынан иилэ хабан ылан «тимуровецтар» диэн хамсааһыны тэрийбиттэрэ.
Билигин кинилэри «волонтердар» диэн ааттыыллар. Ол курдук, оскуола оҕолоро уопсастыбаҕа туһалаах буолаары, кыһалҕалаахтарга, волонтер буолан кырдьаҕастарга көмөлөһөллөр.
Мин маннык хамсааһыҥҥа Г.И.Чиряев аатынан Бүлүүтээҕи 1 нүөмэрдээх оскуола 8 «б» кылааспыт үөрэнээччилэрэ актыыбынайдык кыттарбытынан киэн туттабын. Биһиги учууталбыт Анна Васильевна Яковлева салайыытынан оскуолабыт бэтэрээн учууталын Иванова Павлина Даниловнаны шефствоҕа ылан, үһүс сылбытын ыкса сибээстэһэбит, көмөлөһөбүт.
Биһиги кыһын, саас киниэхэ хаар күрдьэн, мууһун таһан, тиэргэнин хомуйан, ыраастаан биэрэбит. Бырааһынньыктарга эҕэрдэлээн үөрдэбит. Мэлдьи итии чэйдээх, минньигэс астаах биһигини көрсөр. Павлина Даниловна көрсүө-сэмэй, олус үөрүнньэҥ. Кини биһиэхэ үөрэхпитигэр, олохпутугар куруук элбэх үтүө сүбэлэри биэрэр. Эбээбит кэриэтэ саныыр убаастыыр сүбэһиппит.
Уһуйааччыбытыгар Павлина Даниловнаҕа кытаанах доруобуйаны, өссө да өр сылларга биһиэхэ сүбэ-ама буолан үөрэ –көтө сылдьарыгар баҕарабын.
Ян Степанов,
Бүлүүтээҕи Г.И.Чиряев аатынан оскуола 8 «б» кылааһын үөрэнээччитэ.