Олунньу 22 күнүгэр Бөтүҥ нэһилиэгэр Аҕа дойдуну көмүскээччилэр күннэринэн «Дойдум ырыалаах ыллыга» диэн куонкурус буолан ааста. Чинэкэттэн, Бүлүүттэн, Чочуттан, Кыргыдайтан, Хампаттан, Бөтүҥтэн талааннаах ырыаһыттар кэлэн кыттыыны ыллылар.
Дьүүллүүр сүбэҕэ Саха Өрөспүүбүлүкэтин култууратын туйгуна Елена Николаевна Туласынова, Бөтүҥтэн Евдокия Владимировна (Күн Күннэйэ) уонна Николай Алексеевич Иванов олордулар. Ырыаһыттар иккилии ырыанан, бастакыта Улуу Кыайыы 80 сылыгар, иккис ырыалара бэйэлэрэ сөбүлээн ыллыыр ырыаларыгар буолла.
Дьүүллүүр сүбэ лаппа ыарырҕата сыаналаата дии санаатыбыт. Ырыаһыттарбыт куоластара үчүгэйэ киһи эрэ истэ олоруох курдук. Ол да буоллар куонкурус аата куонкурус. 3үрдэл тигистэ Чочу ырыаһытыгар Галина Егороваҕа,
2 үрдэли кыргыдайдар кэскиллээх ырыаһыттара Афанасий Быканов ылла. Өкүндү нэһилиэгиттэн кыттыыны ылбыт Агафья Петрова 1 бастакы үрдэли ылан үөрүү — көтүү көтөллөнөн кэллибит.
Гран-при хаһаайката Бүлүү ырыаһыта Люция Жиркова буолла. Көрөөччүлэр биһирэбиллэрин Бүлүүттэн Алексей Иванов ылла. Баяҥҥа доҕуһуоллаата Саха өрөспүүбүлүкэтин үтүөлээх үлэһитэ Иван Иванович Тулааһынап.
Олус үчүгэй куонкурус буолан ааста.
Кыайыылаах 1 үрдэли ылбыт Агафья Петроваҕа истиҥ эҕэрдэбитин тиэрдэбит. Кэрэ куолаһа кэрэхсэнэ, күөрэгэйдии чугдаара турдун.
Анна Мандарова, Өкүндү.
Бөтүҥҥэ ырыа дьоро киэһэтэ
