Бүлүү дьоно-сэргэтэ Олоҥхо күнүгэр үөрүүлээх сонуннары истэн санаабыт көнньүөрдэ, үөрүүбүт үксээтэ.
Ол курдук Саха Өрөспүүбүлүкэтин Ил Дархана Айсен Сергеевич Николаев 30 тыһ.солк. суумалаах анал истипиэндьийэтин биир сыл устата ый аайы ылар үрдүк чиэскэ Бүлүү улууһуттан тигистилэр: тимир уустарыгар Чемчоев Реворий Гаврильевич, Федоров Егор Петрович, олоҥхону толорооччуларга, уһуйааччыларга Григорьева Маргарита Егоровна, оһуокай тылын этээччилэргэ Алексеев Афанасий Егорович.
Бүлүү к. олохтооҕо Реворий Чемчоев 1985-86 сыллартан саҕалаан күн бүгүнүгэр диэри саха этигэн хомуһун оҥоруунан тиһигин быспакка дьарыктанар, бу уустук идэтигэр оҕолору, ыччаттары үөрэтэр- уһуйар.
Онтон Маргарита Егоровна Тааһаҕар нэһилиэгин оҕолорун, ыччаттарын оһуокайга, тойукка, олоҥхоҕо үгүс сыллар усталарыгар уһуйан- үөрэтэн кэллэ.
Баппаҕаайыттан төрүттээх ытыктыыр биир дойдулаахпыт Афанасий Егорович Саха Өрөспүүбүлүкэтин оһуокайга Дархан этээччилэриттэн биирдэстэрэ, күн бүгүнүгэр диэри саха төрүт үгэстэрин, дьарыгын сайыннара, эдэр ыччакка тарҕата, үөрэтэ сылдьар.
Ити курдук биир дойдулаахтарбыт өр сыллаах сыралаах, түбүктээх үлэлэрэ, үрдүктүк сыаналаммытынан истиҥник эҕэрдэлиибит. Инникитин даҕаны олох,үлэ үөһүгэр бу курдук этэҥҥэ сылдьан, төрүт үгэспитин өссө сайыннарарга,киэҥ эйгэҕэ таһаарарга күүскүт кыайарынан айымньылаахтык үлэлээҥ диэн баҕа санаабытын тириэрдэбит.
Муза Федорова.