Бороҕоҥҥо саха балаҕанын үөрүүлээхтик арыйдылар

Саха сиригэр биллибит тимир, мас уустарын, биллэр олоҥхоһуттар, тойуксуттар дойдуларыгар – Бороҕоҥҥо ааспыт бээтинсэҕэ үөрүүлээх түгэн тосхойбутун нэһилиэк баһылыгын солбуйааччы Айталина Колтовская билиһиннэрдэ:

Биһиэхэ, Бороҕон олохтоохторугар кулун тутар 1 күнүгэр нэһилиэк олоҕор умнуллубат улахан үөрүүлээх түгэн буолан аастабу күн эдэр ыччаты, Бороҕон дьонун-сэргэтин түмэн олоҥхоҕо, тойукка уһуйарга, хомуска оонньуурга үөрэтэргэ, саха мандар ииһигэр сыһыарарга, санаа атастаһарга аналлаах саха балаҕанын арыллыыта тэрилиннэ.

Саха Өрөспүүбүлүкэтин үбүн министиэристибэтэ биллэрбит Олохтоох көҕүлээһини өйүүр бырагыраама куонкурсугар кыайаммыт, бары уус төрдүлээх олохтоох уолаттар – тутууһуттар биригээдэлэрэ балаҕаны бэрт үчүгэйдик тутан таһаардылар, иһин-таһын кичэллээхтик оҥордулар. Балаҕан тутуутун үбүнэн кээмэйэ 3 мөл. солк. тэҥнэстэ, итиннэ өрөспүүбүлүкэ, нэһилиэк бүддьүөттэриттэн үп көрүлүннэ, дойдубут туһа диэн нэһилиэнньэ, Саха сирин араас муннуктарыгар олорор Бороҕонтон төрүттээхтэр кыттыспыттарыгар улахан махталбытын тиэрдэбит.

Үөрүүлээх тэрээһин балаҕаны туппут биригээдэ бэрэстэбиитэлэ Павел Андреев саха балаҕанын үлэтин салайааччыга Наталья Прокопьеваҕа өйдөбүнньүк күлүүһү туттарыытыттан саҕаланна.

Саҥа балаҕан үлэҕэ киириитин айыы уотунан арчылаан, айах тутан алҕаан тойуксут, ырыаһыт Семен Федоров алгыһы түһэрдэ.

Саха балаҕана үлэҕэ киирбитин бэлиэтиир кыһыл лиэнтэни тутууһут Павел Андреев, саха балаҕанын үлэтин салайааччы Наталья Прокопьева уонна мин быстыбыт.

Дьону түмэр саха балаҕанын үлэтигэр ситиһиилэри баҕаран Саха Өрөспүүбүлүкэтин үөрэҕириитин туйгуна Мария Тимофеева, РСФСР үөрэҕириитин туйгуна Варвара Тимофеева, Саха Өрөспүүбүлүкэтин норуотун маастара, тимир ууһа Реворий ЧомчоевЧөмчөө Уус, бэтэрээн учуутал, «Айылгы» түмсүү салайааччыта Ирина Кондратьева, педагогическай үлэ бэтэрээнэ, Саха Өрөспүүбүлүкэтин үөрэҕириитин туйгуна Елизавета Тимофеева, биллэр олоҥхоһут Афанасий Васильев-Хоохура кыыһа, ИДьМ бэтэрээнэ Нина Степанова, РФ үөрэҕириитин туйгуна, педагогическай үлэ бэтэрээнэ Иннокентий Иванов, норуот хаһаайыстыбатын үтүөлээх үлэһитэ, улуустааҕы быыбар хамыыһыйатын бэрэссэдээтэлэ Тимофей Иванов, I Тоҕус нэһилиэгин баһылыга Акимар Михайлов уо.д.а. тыл эттилэр, сэмэй бэлэхтэри туттардылар Бороҕоҥҥо саха балаҕанын үөрүүлээхтик арыйдылар.

Бороҕоҥҥо сахалыы тыыҥҥа, өбүгэлэр үгэстэригэр уһуйар саха балаҕана тутуллубута дьону түмүө, саҥа санаалары, көрүүлэри түстүө, сайдыыга олук ууруо.

Николай Куприянов.