Бүлүү улууһа 1930 сыллаахха тохсунньу 9 күнүгэр төрүттэммит. Бүлүү куората хотугу-илиҥҥи Азияҕа уонна Уһук-Илиҥҥи уокурукка биир саамай кырдьаҕас куорат буолар. Өрөспүүбүлүкэни айылҕа гааһынан, күөх уотунан хааччыйар сүрүн улуус.
Бүлүү улууһуттан төрүттээх Саха сирин уһулуччулаах дьоно: саха омук саргытын салайсыбыт уһулуччулаах политическай, судаарыстыбаннай диэйэтэллэр Степан Максимович Аржаков, Степан Филиппович Гоголев, Гавриил Иосифович Чиряев, синтетический каучугу оҥоруу ньыматын аан маҥнайгынан тобулбут биллиилээх хиимик-учуонай Иван Лаврентьевич Кондаков, ССРС норуодунай учуутала, РСФСР уонна Саха АССР оскуолаларын үтүөлээх учуутала Михаил Андреевич Алексеев, саха бастакы идэтийбит композитора, Саха АССР уонна РСФСР искусствотын үтүөлээх үлэһитэМарк Николаевич Жирков, саха норуодунай поэттара Иван Михайлович Гоголев-Кындыл, Михаил Елисеевич Тимофеев, РСФСР үтүөлээх үлэһитэ, САССР норуодунай артыыската, саха бастакы идэтийбит балерината Евдокия Александровна Степанова о.д.а. Ону таһынан, Сэбиэскэй Сойуус Геройдара Алексей Афанасьевич Миронов, Николай Алексеевич Кондаков, Николай Саввич Степанов, бастакы Үлэ дьоруойа Петр Хрисанфович Староватов, Социалистическай Үлэ дьоруойдара Алексей Николаевич Черканов, Варвара Петровна Трофимова, Семен Митрофанович Васильев, Петр Иванович Протопопов, Прокопий Иннокентьевич Быканов ааттарынан киэн туттабыт.
