Бүлүү куорат дьаһалтата куорат 390 сыллаах үбүлүөйүн көрсө куораты ырааһырдыы, тас көрүҥүн тупсарыы үлэтин ыытар. Ол курдук, бу күннэргэ өр быраҕыллан турбут эргэ тутуулары көтүрүү тэтимнээхтик ыытыллар.
Куорат дьаһалтата «Хаарбах уонна аварийнай туруктаах дьиэлэртэн көһөрүү» бырагырааматыгар түбэспит, быраҕыллыбыт эргэ дьиэлэри көтүрүүгэ биллэрбит аукционыгар Дьокуускайтан «Сахатехстрой» ХЭУо кыайбыта. Тэрилтэ ыам ыйын 20 күнүгэр Тартыев уонна Павел Харлампьев уулуссаларыгар турбут икки мэндиэмэннээх үс мас дьиэни көтүрүүнү түмүктээтэ.
Бэс ыйын 1 күнүгэр диэри куорат килэйэр киинигэр турар икки мэндиэмэннээх эргэ почта мас дьиэтин көтүрүөхтээх.
Николай Куприянов.