Бүлүү куоратыгар Ийэ тыл, сурук-бичик күнүгэр аналлаах декада чэрчитинэн араас тэрээһиннэр ыытылыннылар. Ол курдук, олунньу 13 күнүгэр И.Гоголев-Кындыл төрөөбүтэ 95 сылыгар аналлаах оскуола үөрэнээччилэригэр “Мин ийэ тылым – саха тыла” өркөн-өй оонньуу күрэҕэ буолан ааста. Бырайыак ааптара Александр Иванов, Н.И.Ылахова аатынан Бүлүүтээҕи “Алгыс” национальнай култуура киинин үлэһитэ.
Оонньууну Н.И.Ылахова аатынан Бүлүүтээҕи “Алгыс” национальнай культурнай киин уонна И.Гоголев – Кындыл аатынан Бүлүүтээҕи эдэр ыччат бибилэтиэкэтэ иилээн-саҕалаан тэрийдилэр. Кыттыыны ыллылар: И.Л.Кондаков аатынан Бүлүүтээҕи гимназияттан “Кондаков сиэннэрэ” хамаанда, Г.И.Чиряев аатынан Бүлүүтээҕи 1 нүөмэрдээх оскуола “Чирээйэптэр” хамаандата, Г.С.Донской аатынан Бүлүүтээҕи 2 нүөмэрдээх оскуолаттан “Атастар” хамаанда, Н.С.Степанов аатынан Бүлүүтээҕи 3 нүөмэрдээх оскуолаттан “Дьүкээбил” хамаанда, Н.Г.Чернышевскай аатынан Бүлүүтээҕи профессиональнай-педагогическай кэллиэс “Мохсоҕоллор” хамаандата.
Хамаандалар 3 түһүмэххэ күөн күрэстэстилэр. Ийэ тыл уонна сурук-бичик күнүгэр аналлаах биктэриинэ, ыйытыктар уо.д.а. тургутуулар буоллулар.
Оонньуу түмүгүнэн кылаан чыпчаалы ыллылар Н.Г.Чернышевскай аатынан Бүлүүтээҕи профессиональнай-педагогическай кэллиэс хамаандата.1 миэстэ — “Атастар”, 2 миэстэ — “Кондаков сиэннэрэ”, 3 миэстэ — “Чирээйэптэр” уонна “Дьүкээбил”хамаандалар.
Күрэх үрдүк таһымнаахтык, олус интэриэһинэйдик ааста, тэрээһиҥҥэ сылдьан оҕолор улаханнык астыннылар, элбэҕи биллилэр. Оскуола оҕолоро төрөөбүт тылларын билэллэригэр көҕүлүүр уонна сахалыы эйгэни сайыннарарга күүс-көмө буолар.
Аэлита Васильева, “Репортер” медиа-киин Н.И. Протопопова аатынан “Кэскил” оҕо айар – тобулар дьоҕурун сайыннарар киин.