Алтынньы 15 күнүгэр Бүлүү куоратын «ТУСМ» быыбардыыр уокуругар депутат Елизавета Георгиевна Загитова туруорсуутунан тутааччыларга анаан оҥоһуллубут баннер, сквер арылынна.
Ол курдук Сахабыт сирин, Бүлүү куоратын сайдыытыгар үтүөкэннээх кылааттаах үлэ араас салаатыгар үлэлээбит үлэһиттэр ааттарын үйэтитэн хаартыскалардаах баннер оҥоһуллан туруорулунна.
Бүлүү оройуонугар 1959 сыллаахха СМУ-2 диэн ааттаах тутуу тэрилтэтэ арыллан, 1960 сылтан саҕалаан үлэлээбит ПМК-1125 тутуу тэрилтэтэ элбэх кыбартыыралаах дьиэлэри тутууттан үлэтин саҕалаабыта. 65 сыл тухары билигин «Эрэл» хааччахтаммыт эппиэтинэстээх уопсастыба диэн ааттанан үлэлии турар. Тэрилтэ салайааччыта СӨ үтүөлээх тутааччыта, Александр Гаврильевич Герасимов ааспыт кэмнэрин ахтан ааста, мустубут бэтэрээннэри, үлэһиттэри эҕэрдэлээтэ.
“Бүлүү куорат” муниципальнай тэриллии баһылыгын солбуйааччы Николай Варламович Иванов тутууга үлэлээбит дьоҥҥо Махтал суруктары туттартаата.
Диана Новгородова.