Тыа хаһаайыстыбатын департаменын испэсэлииһэ Дмитрий Алексеев иһитиннэрбитинэн, кураан күннэри баттаһа улуус ходуһаларыгар оттооһуҥҥа тэтимнээх үлэ тэриллэр. Билиҥҥи туругунан, ходуһаларга 454 звено оттуу сылдьар, 562 улахан, кыра тыраахтардар от охсо, кэбиһэ, оту пресстии, барыта 2434 киһи сүөһүлэрин дьыл таһаарар отторун бэлэмнииргэ күргүөмнээх үлэҕэ сылдьаллар.
Атырдьах ыйын 3 күнүн туругунан улуус ходуһаларыгар барыта 7516,5 гектар ходуһа охсулунна, 10770 т от бэлэмнэннэ, ол эбэтэр, былаан 40 % туолан иһэр. Быйыл түһэриллибит былаанынан улуус ходуһаларыгар 26800 т от бэлэмнэниэхтээх.
Николай Куприянов.