Бүлүү улууһа СВО-ҕа кыттар биир дойдулаахтарыгар 7 мөл. солк. кэриҥэ көмөнү оҥордо

Сэтинньи ый саҥатыгар Бүлүү улууһун баһылыгын социальнай эйгэҕэ солбуйааччы Александр Прокопьев, Арыылаах, Баппаҕаайы нэһилиэктэрин баһылыктара Афанасий Тимофеев уонна Егор Николаев састааптаах Бүлүү улууһун дэлэгээссийэтэ дойду киин куоратын госпиталларыгар эмтэнэр биир дойдулаахтарын, СВО буола турар сиригэр тиийэн Бүлүү улууһуттан төрүттээх байыаннай сулууспалаахтарга көмө туттарда.

Александр Прокопьев салайааччылаах Бүлүү улууһун дэлэгээссийэтэ СВО буола турар сиригэр бастакы сырыытыгар биир дойдулаахтарыгар 11 мөл. солк. кэриҥэ суумаҕа дроннары суулларар саалары, түүн араас эттик итиитин көрдөрөр сыаналаах тепловизордары, снайпердар оптикаларын, квадрокоптердары уо.д.а. олус наадалаах уонна сыаналаах тэриллэри атыылаһан илдьэн туттарбыта, истиҥ махтал тылларын истибитэ.

Иккис сырыыга улуус дэлэгээссийэтэбиир дойдулаахтарыгар улуус дьоно хомуйбут 7 мөл. солк. кэриҥэ харчыларыгар байыаннайдар бэйэлэрэ анаан-минээн сакаастаспыт тэриллэрин атыылаһан илдьэн,СВО буола турар сиригэр тиийэн туттарда.

СВО буола турар сиригэр иккис сырыыхайдах ааспытын туһунан Бүлүү улууһун баһылыгын социальнай эйгэҕэ солбуйааччы, Бүлүү улууһун дэлэгээссийэтин салайааччы,байыаннай сулууспалаахтарга көмөлөһөр улуустааҕы хамыыһыйа бэрэссэдээтэлэАлександр Прокопьев кэпсээтэ:

— Байыаннай эпэрээссийэҕэ кыттар биир дойдулаахтарбытын, уолаттар байыаннай чаастарын кытта билсэ олоробут,гуманитарнай көмөнү, ол иһигэр, дьиэ кэргэттэригэрараас хайысхалаах көмөнүкуруук оҥоробут диэххэ наада.

Биһиги иккис сырыыбытыгар Москуба икки байыаннай госпиталларыгарсылдьан биир дойдулаахтарбытын көрүстүбүт, кэпсэттибит, көмө туттардыбыт. Биир уолбут улахан эчэйиилээх, ол эрэн, санаата бөҕөх. Атын байыаннай сулууспалаахтарбыт Ростов уонна СВО буола турар сирин госпиталларыгар эмтэнэллэр.

Байыаннай дьайыыларга кыттыбыт, эчэйии ылбыт уолаттарбыт дойдуларыгар төннөн кэллэхтэринэ доруобуйаларын, туруктарын чөлүгэр түһэрэр үлэни тэрийии биир сүрүн сорукпут буолуоҕа.

Биир дойдулаахтарбыт соруспут араас тэриллэрин 4 күн устата Москуба маҕаһыыннарыттан атыыластыбыт, барыта 7 мөл. солк. кэриҥэсуумаҕа араас тэриллэри ылбыппыт. Төһө кыалларынан уолаттар этиилэрин толоро сатаатыбыт.

Биһиги Арассыыйа саҥа територияларыгар – ЛНР-га, ДНР-га, Запорожьеҕа уонна Херсоҥҥа барыта 11 күн сырыттыбыт. Херсоҥҥа уонна Запорожьеҕа 4 күн икки бөлөххө арахсан сырыттыбыт. Мобилизацияҕа хабыллыбыт уолаттары хааччыйа сатаатыбыт, хантыраагынанбарбыттарга эмиэ көмө оҥордубут. Уопсайынан, Бүлүүттэн төрүттээхтэргэ барыларыгар көмө оҥоһулунна диэххэ сөп.

Биир дойдулаахтарбытбайыаннай дьайыыинники күөнүгэр түргэнник киирэллэригэр-тахсалларыгар матасыыкыллары сакаастаспыттара. Разведчик уолаттарбытыгар 5 «Эндуро» бөҕө-таҕа матасыыкыллары илдьэн туттарбыппытыгар үөрүүлэрэ улахан этэ. Күһүн илдьибит дроннары суулларар сааларбытын уолаттар хайҕаабыттара, бэйэлэрин үчүгэйдик көрдөрдүлэр диэн эппиттэрэ. Ол иһин, итинник саалары, эбии хараҥаҕа эттик итиитин көрдөрөртепловизордары ылан илдьибиппит.

Кыһыҥҥы кэмҥэ тутталларыгар диэн эмиэ бэйэлэрэ соруспут, бэл, мааркатын кытта ыйан биэрбитдизель-генератордарын, ититэр тэриллэрин, примустары, 40 комплект утуйар мөһөөччүктэри, үрүксээктэри, саппыкылары илдьэн биэрдибит.Оборона министиэристибэтэ эмиэ сылаас таҥаһынан хааччыйар диэххэ наада, биһиги илдьибиппит эбилик буолар.

Арыылаах уонна Баппаҕаайы нэһилиэктэрин баһылыктараАфанасий Тимофеев уонна Егор Николаев улахан көмөлөрүн,Москубаҕа баһылыктар үтүөлэринэн түргэнник дьаһаммыппытынбэлиэтиэм этэ.

Биир дойдулаахтарын көрсөн уолаттарбыт санаалара көтөҕүллэрэ көстөр, байыаннай сулууспалаахтар баһылыктары көрөн үөрэллэр, ирэ-хоро кэпсэтэллэр.Опорнай пууҥҥа сытар уолаттарбытын кытта тиийэн көрүстүбүт.

Байыаннай эпэрээссийэҕэ кыттар уолаттарбыт тиэрдиллибиткөмөҕө махтал тыллара үп-харчы биэрэн көмөлөспүт улуус олохтоохторугарбарыларыгар ананар.Улуус дьоно-сэргэтэ СВО буола турарын, биир дойдулаахтарбыт байыаннай дьайыыларга кытта сылдьалларын өйдүүллэр, төһө кыалларынан көмө оҥоро сатыыллар.

Итини тэҥэ, Бүлүү улууһугар СВО-ҕа сылдьар бары уолаттар дьиэ кэргэннэригэр муус ылыытыгар көмө оҥоһулунна, билигин куорат иһигэр оҕолору оскуолаҕа, оҕо уһуйааннарыгар таһыы тэриллэр.

Саха сирэ байыаннай сулууспалаахтарга гуманитарнай көмөнү оҥорууга инники күөҥҥэ сылдьара биллэр. Ил Дархан Айсен Николаев салалтатынан СВО-ҕа Саха сириттэн сылдьар байыаннайдарга, ДНР Кировскай куоратын чөлүгэр түһэриигэ элбэх кээмэйдээх көмө оҥоһуллар. Айсен Николаев соторутааҕыта Донецкай уонна Луганскай норуодунай өрөспүүбүлүкэлэригэр, ВДВ байыаннай чааһыгар сырытта. илигин Кировскайга дьиэлэргэ ититии уонна уунан хааччыйыы чөлүгэр түһэрилиннэ. Биир сыл анараа өттүгэр уунуу аҕыйах чааска биэрэллэрин санатыахха сөп.

Ааспыкка иһитиннэрбитим курдук, улууска гуманитарнай көмөнү оҥорууга саҥа пуонданы тэрийиигэ үлэлэһэбит. Бэлиэ күннэргэ, СВО-ҕа сылдьар уолаттарбытыгар, кинилэр доруобуйаларын, туруктарын чөлүгэр түһэриигэ ити пуондаттан көмө оҥоһуллуохтаах. Бүлүү улууһун олохтоохторо байыаннай эпэрээссийэ инники күөнүгэр сылдьар биир дойдулаахтарыгар салгыы үтүмэн көмөнү оҥоруохтара диэн эрэнэбин.Олунньу уонна кулун тутар ыйдарга СВО буола турар сиригэр биир дойдулаахтарбытыгар көмөнү тиэрдэрүһүс сырыыбытыгар айанныахпыт диэн былаанныыбыт.

Николай Куприянов.

Читайте дальше