Бүлүү улууһугар 208 оҕо төрөөтө

Саха Өрөспүүбүлүкэтин Бырабыыталыстыбатын иһинэн ЗАГС управлениетын Бүлүү улууһугар отделын салайааччы Марина Иванова быйылгы 2023 сыл уон ыйын түмүгүнэн Бүлүү улууһугар 208 төрөөбүтүн туһунан билиһиннэрдэ.

Саҥа төрөөбүт 208 оҕоттон 106-та уол уонна 102-тэ кыыс, ол иһигэр 4 игирэ оҕо төрөөтө. 132 оҕону төрөппүттэрэ ЗАГС отделыгар кэлэн суруттардылар, 76 оҕону төрөппүттэрэ госпорталга сайабылыанньа биэрэн регистрациялаатылар.

Ааспыт 2022 сылга Бүлүү улууһугар 288 оҕо төрөөбүтүн, онтон 167-тэ уол, 121-рэ кыыс буоларын санатыахха сөп.

Николай Куприянов.

 

Читайте дальше