«Якутлесресурс» ГАУ Бүлүүтээҕи филиалын дириэктэрэ Семен Филиппов бүгүҥҥү күҥҥэ киэҥ сири хабан умайар 2 ойуур баһаардарын умуруоруу туһунан билиһиннэрдэ:
— Атырдьах ыйын 12 күнүнээҕи туругунан, улууска 2 ойуур баһаара умайа турар. Уопсайа, ойуур баһаарыттан кутталлаах кэм саҕаланыаҕыттан киэҥ сири хаппыт барыта 30 ойуур баһаарын умайыыта бэлиэтэннэ.
Илбэҥэ Арыылааҕын таһыгар от ыйын саҥатыгар саҕаламмыт 18 №-дээх баһаар 21 тыһ гектар сири тайаата, Илбэҥэҕэ № 30-дээх баһаар 6308 гектар сии хапта. Ити икки баһаары утары 126 киһи үлэлии сылдьаллар.
28 ойуур баһаарын умуруорууга «Якутлесресурс» ГАУ Бүлүүтээҕи филиалын, Бүлүүтээҕи лесничество, Авиалесоохрана, МЧС, Айылҕа харыстабылын министиэристибэтин биоресурса департаменын, Федеральнай резерв, олохтоох нэһилиэнньэ, мобилизованнайдар уо.д.а. үлэлээтилэр.
Улуус олохтоохторун кураан күннэргэ ойуурга, ходуһаҕа уоттан сэрэхтээх буоларгытын, ыксаллаах быһыы-майгы биллэриллибит кэмигэр бары ирдэниллэр быраабылалары тутуһан сылдьаргытын, ойуурга, ходуһаҕа кулуһун уотун оттубаккытын санатабын.
Николай Куприянов.