Тыа хаһаайыстыбатын департаменын салайааччы Павел Иннокентьев билиһиннэрбитинэн, атырдьах ыйын 1 күнүгэр оттооһуҥҥа улуус баһылыгын бастакы солбуйааччыта Иван Евсеев салайааччылаах улуустааҕы суһал ыстаап тэриллибит.
Ааспыт нэдиэлэҕэ нэһилиэктэр баһылыктара, хаһаайыстыбалар салайааччылара, тыа хаһаайыстыбатын исписэлиистэрэ кыттыылаах суһал ыстаап мунньаҕар Бүлүү улууһугар атырдьах ыйын 10 күнүттэн «Көҥүл хотууру» киллэрэргэ быһаарыы ылыллыбыт.
Павел Павлович быһаарбытынан, дьон охсуллубакка сытар ходуһатын ханнык баҕарар отчут оттуон сөптөөх диэн ылыллыбыт уураахха илии баттаммыт. «Көҥүл хотууру» нэһилиэктэр тыа хаһаайыстыбатын исписэлиистэрэ көрүөхтээхтэр, дьон сирин оттооһун нэһилиэк баһылыгын таһымыгар быһаарыллыахтаах.
«Көҥүл хотуурга» тэрээһиннээх уонна бааһынай хаһаайыстыбаларын ходуһалара тыытыллыбат.
Николай Куприянов.