Быйылгы сылга хаһаайыстыбалар бары көрүҥнэригэр баар ынах сүөһүнү, сылгыны дьыл таһаарарга 26220 тонна оту бэлэмниир сорук турар. Бүгүҥҥү күн туругунан Бүлүү отчуттара былааннарын 40 % толорон иһэллэр.
Улуустааҕы тыа хаһаайыстыбатын департаменын сибидиэнньэтинэн, атырдьах ыйын 6 күнүн туругунан, Бүлүү улууһун ходуһаларыгар 7319 гектар сиргэ охсуллубут оттон 10482 тонна от кэбиһилиннэ.
Ходуһаларга 1917 отчут, 465 тыраахтар, 436 звено үлэлии сылдьаллар. Тыа хаһаайыстыбатын бородууксуйатын оҥорон таһаарар кэпэрэтииптэр 1463 тонна оту, бэтэрэбиитэл кэпэрэтииптэр 22 тонна, бааһынай хаһаайыстыбалар 1579 т, кэтэх хаһаайыстыбалар 7418 тонна оту бэлэмнээтилэр.
Николай Куприянов.
Александра Лаврентьева фотолара.