Ыам ыйын 3 күнүгэр Бүлүүтээҕи киин балыыһа кылаабынай бырааһа, Саха Өрөспүүбүкэтин
Судаарыстыбаннай Мунньаҕын —
Ил Тумэн депутата Егор Анатольевич Григорьев, өрөспүүбүлүкэбитигэр биир ситиһиилээхтик үлэлии сылдьар тэрилтэтин кытта илии баттаһан, саҥа тутуллан эрэр Бүлүүтээҕи иккис уочараттаах балыыһа комплексыгар итиитин уонна уотун тардарга бырайыагын былааннаан бардылар.
ООО «АСК»ДОМ» үлэһиттэрэ кэлэн саҥа эбийиэккэ итиитин уонна уотун тардыыга о.д.а. кэккэ үлэлэр ыытыллар сирдэрин көрөн бардылар.
Саҥа балыыһа 2025 сылга ахсынньыга тутуллан киириэхтээх. Эбийиэк 3 этээстээх, аныгылыы тупсаҕай оҥоһуулаах, блоктардаах, бары ирдэбилгэ толору эппиэттиир буолар. Билиҥҥи кэмҥэ оройуоммутугар биир саамай наадалаах, киһи ис уорганнарын туругун көрдөрөр МРТ-аппарат баар буолуо. Саҥа балыыһа Бүлүү улууһун олохтоохторун эрэ эмтиир буолбакка, ыаллыы сытар улуустарбыт олохтоохторун эмиэ көрөр-эмтиир буолуо.
Тутуу «Доруобуйа» национальнай бырайыак бырагырааматынан ыытыллар.
Бүлүү киин балыыһата.