Анал байыаннай дьайыыга сылдьар уолаттарбытыгар көмөлөһөр сыаллаах сылаас таҥаһы, араас малы-салы хомуйууга ааксыйа саҕаланна.
Бүлүү куоратыгар Саха балаҕаныгар үлэлиир “БҮЛҮҮ УЛУУҺА ЭҺИГИННИИН БИИРГЭ!” диэн улуустааҕы көмө оҥорор пуун алтынньы 29 күнүттэн Ийэ дойдубутун көмүскээһиҥҥэ ытык иэстэрин толоро сылдьар биир дойдулаахтарбытыгар, күүс-көмө, өйөбүл буолан “СЫЛААС ТАҤАС” диэн ааксыйаны ыытар уонна наадалаах анал тэриллэри, сылаас таҥаһы, утары туттуллар малы-салы хомуйууну саҕалаата.
Ытыктабыллаах биир дойдулаахтарбытыттан флис, синтепон көстүүмнэри, соннору, баайыы бэргэһэлэри, халыҥ наскылары, үтүлүктэри, термобельены, сиэл угунньалары, сибиитирэлэри, толстовкалары, сылаас ыстааннары, сэлиэччиктэри, утуйар таҥас, спальнай мешок, ис таҥас хомуйабыт. Утары туттуллар малы-салы: влажнай туалетнай салфетка, зубной пастаны, сирэй суунар, хаһаайыстыбаннай мыыланы, тиис суунар паастаны, кыра кээмэйдээх соттору, кэннигэр уоттаах зажигалканы, портативнай газовай плиткалары, баттах кырыйар массыынкалары, фонариктары, тутабыт.
Убаастабыллаах Бүлүү улууһун, куорат олохтоохторун, уопсастыбаннай түмсүүлэри, тэрилтэлэр кэлэктииптэрин, урбаанньыттары, Дьокуускай куоракка олорор биир дойдулаахтарбытын бары биир санаанан салайтаран сылаас таҥас, утары туттуллар мал-сал хомуйан дойдубутун көмүскүү сылдьар уолаттарбытыгар күүс-көмө буолуоххайыҥ диэн ыҥырабыт!
Биир дойдулаахтарбыт туора туран хаалбакка акцияҕа кыттыахтара диэн эрэнэбит. Бу хомуллубут таҥас, мал-сал ону таһынан амарах санаалаах ийэлэр, иистэнньэҥ уолаттар илиилэрин сылааһынан тикпит, оҥорбут маллара, улуус уопсастыбаннай түмсүүлэрэ, олохтоохторо, тэрилтэлэр кэллэктииптэрэ өрбүт харыстанар сиэккэлэрэ уоппускаҕа кэлбит, хантыраагынан барар уолаттарга бэриллэллэр, аадырыстаммыт баһыылкалар ыытыллыахтара уонна улууспут дэлэгээссийэтэ анал байыаннай дьайыыга сылдьар уолаттарбытын көрсө бардахтарына илдьэн тиксэриэхтэрэ.
Гуманитарнай көмөнү тутар аадырыс: Бүлүү куорат, Чапаев уулусса 20 “б” нүөмэрэ, Саха балаҕана, Байыаннай дьайыыга сылдьар уолаттарбытыгар уонна кинилэр дьиэ кэргэннэригэр улуустааҕы көмө оҥорор пуун.
Үлэлиир бириэмэбит: сарсыарда 10 чаастан эбиэккэ тохтобула суох киэһэ 6 чааска диэри.
Анал байыаннай дьайыыга сылдьар биир дойдулаахтарбытыгар харыстанар сиэккэ өрүүтэ тиһигин быспакка ыытыллар. Саҥа көмөлөһө кэлбит дьоҥҥо хайдах сиэккэ өрөрү, таҥас тигэри барытын үөрэтэн, көрдөрөн биэрэбит.
Улуустааҕы көмө оҥорор пуун.