Бүгүн, сэтинньи 9 күнүгэр, киэн туттар биир дойдулаахпыт, судаарыстыбаннай, политическай диэйэтэл, Саха сиригэр Сэбиэскэй былааһы олохтооччулартан биирдэстэрэ, Саха сирин автономиятын оҥорсубут, норуотун инники кэскилин түстэспит Степан Аржаков төрөөбүт күнэ.
Бу бэлиэ күҥҥэ улуус, куорат олохтоохторо С.М. Аржаков пааматынньыгар сибэкки дьөрбөтүн уурдулар, кини чаҕылхай олоҕун ахтан-санаан аастылар.
Эһиил, 2024 сылга Степан Максимович Аржаков төрөөбүтэ 125 сылын үөрүүлээхтик бэлиэтиэхпит. Бу бэлиэ даатаҕа анаан Бүлүүтээҕи Кииннэммит модельнай библиотекаҕа төгүрүк остуол ыытыллыаҕа. Манна этиилэри киллэрии, санаа астастаһыыта, ырытыы буолуоҕа.
Бүлүүлэр Саха сирин историятыгар биллэр–көстөр суолу хаалларбыт биир дойдулаахтарын аатын үйэтитэллэр.
Олох суола.
Фото Николая Куприянова