Куорат олохтоохторо «Олох суола» редакциятыгар «Сыа Бүлүү» астыыр-үөллүүр кэпэрэтиип маҕаһыыннарыгар үүт, үрүҥ ас араас көрүҥэ атыыга аҕыйахтык тахсарын, сырыы аайы халыҥ уочарат үөскүүрүн этинэллэр.
Биһиги «Сыа Бүлүү» астыыр-үөллүүр кэпэрэтиип дириэктэрэ Алексей Кондратьевтан тоҕо итинник балаһыаньа үөскээбитин ыйыталаспыппытыгар, кини бу курдук хоруйдаата:
— Билигин үүт ыаһына аҕыйаҕынан быһаарыллар. «Ампаардаах» хаһаайыстыба эрэ күннэтэ 700 киилэ үүтү киллэрэр. Тоҥ үүтү тутарбыт көҥүллэммэт, булгуччу анаалыс оҥоһуллуохтаах.
Кулун тутарга ынах сүөһү маассабай төрөөһүнэ саҕаланнаҕына үүт, үрүҥ ас атыыга тахсыыта элбиэҕэ.
Кэпэрэтиип сайыҥҥы кэмҥэ Тааһаҕартан саҕалаан куорат таһынааҕы нэһилиэктэртэн барыларыттан үүт тутан үрүҥ аһы оҥорор.
Николай Куприянов.