Аммаҕа доруобуйаларынан хааччахтаах спортсменнар «Дьулуур» XIV спартакиадаларыгар дьаадыра анньыытын көрүҥэр Бүлүү улууһун хамаандата ситиһиилээхтик кытынна. Параолимпийскай көрүҥҥэ хас биирдии кыттааччыга дьаадыраны устуулга олорон эрэ быраҕарыгар алта холонуу көрүллэр.
Күрэхтэһии түмүгүнэн Бүлүү сүүмэрдэммит хамаандатын кыттыылааҕа Александр Спиридонов иккис бочуоттаах миэстэни ылла уонна хамаандаҕа наадалаах очукуолары аҕалла. Бүлүү хамаандатыгар быйылгы спартакиадаҕа бастакы — кэлээскэлээх сүүрүүгэ үрүҥ көмүс мэтээли аҕалбыт Алла Николаева бу сырыыга боруонса мэтээли ылла. Улуус баһылыга Сергей Винокуров стадиоҥҥа тэриллибит сүүрүү уонна дьаадыра быраҕыытын болҕойон көрдө, призердары эҕэрдэлээтэ. Алла Николаеваны уонна Александр Спиридоновы дьоһун кыайыыларынан, тулууру, кыайыыга дьулууру көрдөрбүттэринэн эҕэрдэлиибит!
Николай Куприянов.