Бүгүн, олунньу 29 күнүгэр, дойду Президенэ Владимир Путин Федеральнай Мунньахха үгэс буолбут Туһаайан этиитин иһитиннэрдэ.
Мэдиссиинэ эйгэтин үлэһитэ, эдэр ийэ Даринна Ильинова туһаайан этии туһунан санаатын үллэһиннэ:
— Дойдубут Президенэ дьиэ кэргэни, оҕолоох ыаллары өйүүр, араас хабааннаах көмө көрүллэр. Биһиги, элбэх оҕолоох эдэр ыал буоларбыт быһыытынан, дьиэ кэргэн ипотеката 2030 сылга диэри уһаабытын сэргии, үөрэ иһиттибит. Маны таһынан, «Дьиэ кэргэн» диэн саҥа национальнай бырайыак дьиэ кэргэн олоҕун уйгута тупсарыгар төһүү күүс буолуо диэн эрэнэбин.
Кэлэр 6 сылга оскуолалары медицинскэй кабинеттарынан хааччыйыыга этии киллэрдэ. Бу маннык кабинеттар бааллара хайаан да наада дии саныыбын.