Сэтинньи 21 күнүгэр Халбаакы нэһилиэгэр Олоҥхо күнэ ааспыта. Олоҥхобут аата «Саһаанынан үктэллээх Туруу Тураҕас Аттаах Сайдам Дуолан Бухатыыр».
Онно Герасимов Эрчим, Акимова Алёна, Терентьева Сайаана, Мандарова Калиста, Гаврильева Клава, Мартынова Милана уонна Томский Анатолий кыттыбыттара. Олоҥхо күнэ «Тускул» НАДь буолбута, оҕолор уонна улахан дьон кэлэннэр көрөн-сэргээн ааспыттара.
Салайааччыбыт — саха тылын учуутала Петрова Светлана Николаевна. Кини биһигини 5 кылаастан үөрэтэр. Толорор олоҥхобутун салайааччыбыт айбыта. Салайааччыбыт суруйбутун биһиги билигин этэ, сэргии сылдьабыт. Олоҥхо киһини ыраастыыр, сынньатар, үөрдэр. Биһиги ахсынньы 5 күнүгэр Бүлүү куоратыгар киирэммит спектакль туруоруохтаахпыт.
Олоҥхону билэммит салгыы сайда туруохпут дии саныыбын. Салайааччыбытытыгар Светлана Николаевнаҕа биһиэхэ олоҥхону үөрэтэригэр дириҥник махтанабыт.
Эрчим Герасимов, Халбаакы орто оскуолатын 7 кылаас үөрэнээччитэ.