С.Ф.Гоголев аатынан Хампа орто оскуолатын быйыл бүтэрэр Айталыына Гоголева литератураҕа Биир кэлим судаарыстыбаннай эксээмэни саамай үрдүк — 100 баалга туттарда. Кини Бүлүү улууһугар ЕГЭ-ни 100 баалга туттарбыт бастакы выпускница буолар.
Айталыына бастакы кылаастан туйгуннук үөрэнэр, оскуоланы кыһыл көмүс мэтээлинэн бүтэрэргэ претендент. Театр оскуолатын выпускницата, инники идэтин култуура эйгэтин кытта сибээстиир былааннаах. Айталыынаны начаалынай оскуолаҕа Попова Аида Архиповна уонна Николаева Вероника Геннадиевна үөрэппиттэрэ. Билиҥҥи нуучча тылын уонна литературатын учуутала – Степанова Лена Лазаревна.
Айталыынаҕа олох киэҥ суолугар өссө үрдүк ситиһиилэри, сөбүлүүр идэтигэр үчүгэйдик үөрэнэригэр баҕарабыт!
«Олох суола».