“Алгыс” сынньалаҥ киинин иһинэн үлэлиир В.О.Каратаев аатынан олоҥхоһуттар норуодунай коллективтарын тэрийиитинэн “Харысхал” түмсүү Бүлүү улууһуттан анал байыаннай эпэрээссийэҕэ сылдьар уолаттарга араас көмөнү оҥорон, хомуйан үлэлээбитэ ыраатта.
«Харысхал» түмсүү акциятыгар кыттыһан Лөкөчөөн, Дьөккөн баһылыктара материаллары ылан бардылар.
Икки сетка Олоҥхо дьиэтигэр оҥоһуллан бүттэ. Эбии материал кэллэ.
«Үлэ күүстээхтик барар. Сотору Аармыйа күнүгэр кэһиилэр барыахтарын наада. Кыттыһан иһиҥ!»- диэн түмсүү кыттыылаахтара улуус олохтоохторун ыҥыраллар.