(Бүтүүтэ. Иннэ бэс ыйын 13 күнүгэр ааҕыҥ).
Ити курдук анал байыаннай дьайыыга сылдьар биир дойдулаахтарбытыгар сыаллаах көмө оҥорор пуун үлэһиттэрэ иккис сылбытын тиһигин быспакка үлэлии сылдьабыт.
Кулун тутар ыйга улуус уопсастыбаннай түмсүүлэрэ уопсай сүбэнэн харчы кыттыһаммыт уонна урбаанньыт Сивцев Валерий Валерьевич иккис төгүлүн 10 000 харчыны биэрэн Дьокуускай куораттан тактическай көстүүм, бейсболка, футболка, наколенник, налокотник, ис таҥас, наскы, соттор, мыыла, зубной щетка, паста, влажнай салфетка, пончо тигэргэ плащевай матырыйаал, маскировочнай сетка быатын атыыласпыппыт. Маскировочнай сиэккэ матырыйаала кэлээтин кытары улуус уопсастыбаннай түмсүүлэрэ нэһилиэктэртэн киирэннэр матырыйаал ылан тахсан техника сабарга аналлаах 16х4, 9х4, 8х4 размердардаах улахан сиэккэлэри өрөн, пончо тигэн, харысхал оҥорон киллэртээбиттэрэ. Илбэҥэ нэһилиэгиттэн “Сүрэҕим баҕатынан” түмсүү 8 устуука пончо тигэн, 1500 устуука армейскай душ, нэһилиэк олохтоохторун кытары көмөлөөн өрбүт 8 улахан маскировочнай сеткаларын Баппаҕаайы нэһилиэгин баһылыга Егор Афанасьевич киллэрэн туттарбыта. Лөкөчөөн нэһилиэгин баһылыга Анна Владимировна Доргонова салайыытынан Лөкөчөөн түмсүүлэрэ, олохтоохторо кыттыһан 6 улахан сетканы өрбүттэрин бэйэтэ аҕалан туттарда. Арыылаах нэһилиэгиттэн “Чэбдигирии” түмсүү 4 улахан сиэккэни анал мөһөөччүктээн, Кыадаҥдаттан “Күндэли” түмсүү, оскуола-сад коллектива уонна биирдиилээн дьон көмөлөөн 3 улахан сетканы өрөн, Бөтүҥтэн “Дьүөгэлэр” түмсүү нэһилиэк биэнсийэлээхтэрин кытары кыттыһан оҥорбут 3 сетканы, Өкүндүттэн бэтэрээн Сэбиэтин бэрэссэдээтэлин тэрээһининэн нэһилиэк далбар хотуттара кыттыһан оҥорбут 1 сетканы, Тааһаҕар нэһилиэгиттэн “Күбэйэ түмсүү” нашлемниктары 8 улахан сеткалары, Хаҕын нэһилиэгиттэн “Аҕам саас” түмсүү салайыытынан олохтоохтору кытары көмөлөөн 3 улахан сетка, сиэлтэн угунньу, 100 харысхал, 11 пончо, Халбаакы нэһилиэгин “Тускул” түмсүүтэ 1 сетка, иккис Күүлэттэн “Алаһа” түмсүү 2 сетка, Дьөккөнтөн “Ыллыкчаан” уһуйаан үлэһиттэрэ 1сетка өрөн, Чочу нэһилиэгин “Утум ситимэ” түмсүү 39 устуука пончо тигэн, 39 харысхал оҥорон киллэрдилэр. Бүлүүттэн “Веселые нотки” уһуйаан үлэһиттэрэ 2 улахан сетканы, балаҕаҥҥа Тааһаҕар нэһилиэгиттэн “Күбэйэ” түмсүү, 1 Күүлэттэн “Дьүөгэ” түмсүү, Бүлүүттэн “Стимул”, “Оһуор”, “Алаһа” түмсүүлэр, “Кэскил” оҕо киинин, “Солнышко”, “Бүлүүчээнэ” уһуйаанын уонна көмө оҥорор пуун үлэһиттэрэ буоланнар 4 улахан сетканы өрдүлэр. 1 Күүлэттэн “Дьүөгэ” түмсүү чилиэнэ Валентина Афанасьевна Захарова кыыһын кытары кэлэн харысхал мөһөөччүктэрин тигэн, таҥас быһан, маскировочнай сетка өрсөн улаханнык көмөлөһөн бардылар, улуустааҕы киин балыыһа үлэһиттэрэ биһигиттэн матырыйаал ылан 34 устуука харысхал мөһөөччүгүн тиктилэр. Бүлүүтээҕи байыаннай таҥаһы атыылыыр маҕаһыын салайааччыта Протопопов Геннадий Эдуардович быыкарайка оҥосторбутугар байыаннай таҥас тигэрбитигэр бэлэм көстүүмү уларсан улаханнык абыраатылар.
Муус устар ыйга улуус дьаһалтатын иһинэн быстах хомуурга барбыт дьоннорбутугар анаан тэриллибит штаб бэрэссэдээтэлигэр, көмө оҥорор пуун аатыттан сайабылыанньа суруйаммыт, фондаттан 250 тыһыынча харчы көрүллэн, Дьокуускайга матырыйаал атыылыыр “Ажура” маҕаһыыҥҥа аһардыллан урулуонунан тигэр матырыйаалларбытын, фурнитура атыылаһан аҕалан панама, сайыҥҥы көстүүм, маскировочнай көстүүм, пончо, харысхал мөһөөччүктэрин тигэттии сылдьабыт.
Бүлүү улууһун эпиэкэҕэ уонна харалтаҕа салаатын үлэһиттэрэ кыттыһан 45 261 суумалаах утары туттуллар маллары, газовай плита 11 устуука баллонун кытары, баттах кырыйар машинка, одноразовай бириитибэ, ис таҥас, наскы, перчатка, фонарик икки көрүҥүн, влажнай салфетка, сухой ас аҕалан туттардылар. Бүлүү куоратын олохтооҕо Павлов Сергей Игнатьевич уолаттарга анаан ис сүрэҕиттэн 11 орто дэйбиири дьиэ кэргэнин аатыттан оҥорон ыыппытын Парасковья Дмитриевна аҕалан туттарда. Семен Семенович анал байыаннай дьайыыга сылдьар уолаттарбытыгар, пуун үлэһиттэригэр “Бүлүү улууһа”, “Арчылаа, араҥаччылаа” диэн нашивкалары бэйэтэ анал массыынанан быысабайдаан бэлэх уунна. Бүгүн уоппускаҕа кэлэ сылдьар уол көмө оҥорор пуунтан 20-тэн тахса араас малы ылан, тактическай көстүүмүн кэтэн, нашивкатын бейсболкатыгар, сиэҕигэр сыһыарынан, харысхал, дэйбиир ылан үөрэн бөҕө буолла, улаханнык махтанан барда.
Сыл саҕаланыаҕыттан уоппускаҕа кэлэ сылдьар уолаттарбыт көмө оҥорор пуунтан кэлэн түмсүүлэр ийэлэрэ, эбээлэрэ илиилэрин сылааһынан тикпит таҥастарын, алгыстаах харысхалларын, наадыйар малларын-салларын ылан пуун үлэһиттэригэр улаханнык махтанан бараллар. Инники суруйбутум курдук биһиги икки сыл элбэх СВО-ҕа барар, уоппускаҕа кэлэн барар уолаттарбытын ийэлэр илиилэрин сылааһынан тикпит таҥаспытынан таҥыннардыбыт, малынан-салынан хааччыйдыбыт. Ийэлэр илиилэрин сылааһынан оҥоһуллубут харысхаллар ымыы буолан, уолаттарбытын араҥаччылаан, этэҥҥэ эргиллэн кэлэллэригэр күүс-көмө буоллун.
Анал байыаннай дьайыыга сылдьар уолаттарбытыгар, биир дойдулаахтарбытыгар бэйэлэрин бириэмэлэрин аахсыбакка, туруулаһан ис сүрэхтэриттэн көмөлөһөр, кыайыыны уһансар, амарах сүрэхтээх, үтүө санаалаах, икки сылы быһа араас хабааннаах көмөнү оҥорон күүс-көмө буола сылдьар Бүлүү улууһун уопсастыбаннай түмсүүлэригэр, Бүлүү улууһун дьаһалтатын уонна көмө оҥорор пуун үлэһиттэрин аатыттан улахан махталбытын тириэрдэбит.
“Алаһа” түмсүү эбээлэригэр, салайааччы Екатерина Герасимовна Алексееваҕа, Илбэҥэ нэһилиэгин олохтоохторугар, баһылык Егор Афанасьевич Николаевка, “Сүрэҕим баҕатынан” түмсүүгэ, салайааччы Ирина Николаевна Жирковаҕа, Лөкөчөөн нэһилиэгин баһылыгар Анна Владимировна Доргоноваҕа, нэһилиэк түмсүүлэригэр, олохтоохторугар, Арыылаах нэһилиэгин “Чэбдигирии” түмсүүгэ, салайааччы Вера Севастьяновна Васильеваҕа, Кыадаҥдаттан “Күндэли” түмсүүгэ, салайааччы Варвара Октябрьевна Чиряеваҕа, оскуола-сад коллективыгар, олохтоохторго, Бөтүҥтэн “Дьүөгэлэр” түмсүүгэ, салайааччы Сусанна Прокопьевна Семеноваҕа, нэһилиэк олохтоохторугар, Өкүндү нэһилиэгин олохтоохторугар, бэтэрээн Сэбиэтин бэрэссэдээтэлигэр Федосия Алексеевна Мандароваҕа, Тааһаҕар нэһилиэгин, олохтоохторугар “Күбэйэ” түмсүүгэ, салайааччы Акулина Кирилловна Поскачинаҕа, Хаҕын нэһилиэгин олохтоохторугар, “Аҕам саас” түмсүүгэ, бэтэрээн Сэбиэтин бэрэссэдээтэлигэр Оксана Христофоровна Еремееваҕа, Халбаакы нэһилиэгин олохтоохторугар, “Тускул” түмсүүгэ, салайааччы Валентина Спиридоновна Роеваҕа, Иккис Күүлэттэн “Алаһа” түмсүүгэ, салайааччы Айталина Гаврильевна Петроваҕа, Дьөккөнтөн “Ыллыкчаан” уһуйаан үлэһиттэригэр, салайааччы Альбина Ионовна Ионоваҕа, Чочу нэһилиэгин “Утум ситимэ” түмсүүгэ, салайааччы Зинаида Егоровна Петроваҕа, урбаанньыт Сивцев Валерий Валерьевичка, Бүлүүттэн “Веселые нотки” уһуйаан үлэһиттэригэр, салайааччы Филиппова Лидия Семеновнаҕа,1 Күүлэттэн “Дьүөгэ” түмсүүгэ, салайааччы Оксана Мартыновна Ивановаҕа уонна Валентина Афанасьевна Захароваҕа, Бүлүүттэн “Стимул” түмсүүгэ, салайааччы Елена Яковлевна Сивцеваҕа, “Оһуор” түмсүүгэ, салайааччы Галина Николаевна Каратаеваҕа, “Кэскил” оҕо киинин үлэһиттэригэр, салайааччы Васильева Саргылаана Алексеевнаҕа, “Солнышко” уһуйаан үлэһиттэригэр, салайааччы Анна Валерьевна Токарскаяҕа, “Бүлүүчээнэ” уһуйаанын үлэһиттэригэр, салайааччы Тетелева Виктория Вячеславовнаҕа, Бүлүү улууһун эпиэкэҕэ уонна харалтаҕа салаатын үлэһиттэригэр, салайааччы Пелагея Николаевна Антоноваҕа, улуустааҕы киин балыыһа старшай сиэстэрэтигэр Анна Ивановна Егороваҕа, үлэһиттэригэр, Павлов Сергей Игнатьевичка уонна кини дьиэ кэргэнигэр, Семен Семенович Афанасьевка, Дьокуускай куорат “Ажура” маҕаһыын сэбиэдиссэйигэр Саргылана Николаевна Семеноваҕа, Протопопов Геннадий Эдуардовичка.
Дойдубут хаһааҥҥытааҕар да туруктаах буолуохтаах кэмигэр, бу курдук сомоҕолоһуулаах, түмсүүлээх, айыы санаабытынан салайтарар эрэ буоллахпытына, кытаанах кэмнэри мүлчү түһэммит, кыайыыга тиийиэхпит диэн эрэнэбит! Күндү дьоннорбутугар өссө төгүл улаханнык махтанан туран, баҕарабыт дьиэ кэргэттэргитигэр иллээх олоҕу, хаһан да ыарыы ыалласпатын, доруобай дьоллоох-саргылаах буолуҥ, сахалыы сайаҕас, аһыныгас санааҕыт самныбатын-диэн алҕаатахпыт буоллун.
Билсэр телефоннаргыт: 89142381898, 89644204962 — Томская Мария Петровна,
89243680420 — Сивцева Елена Яковлевна.
Мария Томская,
Бүлүү улууһун уопсастыбаннай түмсүүлэрин, көмө оҥорор пуун салайааччыта,
Бүлүү куоратын бочуоттаах олохтооҕо.