Аҕыйах хонуктааҕыта оҕунан ытыыга Саха Өрөспүүбүлүкэтин уонна РФ спордун маастара Клара Спиридонова «Сахаада-спорт» 2024 сыллааҕы лауреатынан ааттанна!
Ахсынньы 19 күнүгэр «Модун» спорт комплексыгар национальнай көрүҥнэргэ 2024 сыл түмүктэринэн 10 бастыҥ спортсменнар ааттара ааттанна, үөрүүлээх быһыыга-майгыга чиэстээһин тэрилиннэ.
«Төрүт оҕунан ытыы национальнай көрүҥүн бастыҥ спортсмена» номинацияҕа лауреат аата иккис сылын Клара Спиридоноваҕа иҥэрилиннэ!
Бөтүҥ оскуолатыгар физическэй култуура учууталынан үлэлиир Клара Спиридонова быйылгы сылга элбэх ситиһиилэннэ. Кини Арассыыйа, Арассыыйа Кубогын көмүс мэтээллэрин ылары ситиспитэ, Кыргыстааҥҥа уонна Дагестаҥҥа тэриллибит норуоттар икки ардыларынааҕы турнирдар, элбэх өрөспүүбүүкэтээҕи күрэхтэһиилэр кыайыылаахтарынан, АЛРОСА Кубогын призерунан буолбута.
Клара Спиридонованы «Сахаада-спорт» 2024 сыллааҕы лауреатын аатын ылбытынан истиҥник эҕэрдэлиибит!
Николай Куприянов.