Алтынньы 20 күнүгэр Саха сирин ийэлэрин күннэрин үрдүк таһымнаахтык бэлиэтээн аастыбыт. Бу күн ийэлэрбитигэр анаан элбэх истиҥ тыллар этилиннилэр, бэлэхтэр туттарыныллылар. Күндү дьоммутугар анаан араас тэрээһиннэр буоллулар. Ол курдук Ийэ скверигэр сибэкки дьөрбөтүн ууруу, культура Дыбарыаһыгар үөрүүлээх кэнсиэрт буолла.
Маннык үрдүк таһымнаах тэрээһиннэр биһигини араас бэлиэ күннэргэ, бырааһынньыктарга үөрдэллэр, эттиин-хааннын сынньанан, астынан көтүппэкэ сылдьабыт. Онтон тэрийээччилэр туһунан отой аҕыйаҕы билэбит.
Бүгүн биһиги культура сайдыытын уонна норуот айымньытын оройуоннааҕы киинин үлэһиттэриттэн ийэлэргэ анаан аҕыйах тыл этэллэригэр көрдөстүбүт.
Александра Иванова – араас таһымнаах тэрээһиннэри, кэнсиэртэри олус чаҕылхайдык иилиир-саҕалыыр ыытааччы, икки оҕо күн күбэй ийэтэ:
- Оҕо төһө да улааттар, төрөппүтүгэр куруук ОҔО. Ол иһин даҕаны ийэлээх, аҕабыт баалларын тухары биһиги куруук оҕо курдук сананабыт. ИЙЭ киһи барахсан оҕото этэҥҥэ дьоллоохтук, ситиһиилээхтик сырыттаҕына ол кини Дьоло буолар. Сахабыт сирин Ийэлэрин күнүнэн күҥҥэ тэҥнээх күндү тапталлаах ийэбин Вера Николаевнаны итиитик-истиҥник эҕэрлэлиибин! Баҕарабын эйиэхэ аан бастаан кытаанах доруобуйаны, дьолу-соргуну. Эн биһиэхэ сүбэҥ-амаҥ куруук өйөбүл буолар. Күүскэ таптыыбыт, сыллыыбыт, махтанабыт!
Ыллыыр дьоҕурдаах оҕолору, улахан дьону кытта үлэлэһэр, кинилэр талааннарын толору арыйалларыгар кыһамньылаахтык үлэлиир Салтанат Маччаева кэрэ-нарын кырачаан кыыс оҕо ийэтэ:
- Немногие роли в обществе так важны и ценны, как роли матерей. Быть матерью — это непрерывное, сложное и, в то же время, лучшее в мире занятие. Дорогие мамы! Примите самые искренние слова поздравления и благодарности за ваш бескорыстный самоотверженный труд, за ваш бесценный вклад в будущее. От всего сердца желаю вам крепкого здоровья, радости и благополучия! Пусть оправдаются все ваши надежды и сбудутся самые заветные мечты! Будьте любимы и счастливы!
Алена Иванова – тэрээһиннэр сценарийдарын суруйар, театрга араас оруоллары оонньуур тутаах үлэһит, ону тэҥэ түөрт оҕо тапталлаах ийэтэ:
- Күн курдук мичээрдээх, сып-сылаас илиилээх, нап- намыын сүрэхтээх, уоскутар алыптаах, амарах дууһалаах, көмүскэс санаалаах, сымнаҕас майгылаах күн-күбэй ийэлэрбитин ийэлэр күннэринэн итиитик-истиҥник эҕэрдэлиибин! Баҕарабын эһиэхэ кытаанах доруобуйаны, сырдык ыраас тапталы, саппаҕырбат ыра санааны, үөрүү-көтүү аргыстаах, уһун үйэлээх дьоллоох олоҕу, үлэҕитигэр ситиһиини уонна бары үчүгэйи, кэрэни. Туһанан бэйэм ийэбин Августина Гаврильевнаны, Аҕалар күннэринэн аҕабын Алексей Алексеевиһы эҕэрдэлиибин уонна күндүттэн-күндү дьоммор эҕэрдэ тыллары этэбин, бу олоҕу бэлэхтээбиккитигэр муҥура суох махтанабын!
Тамара Куланова, үс оҕо ийэтэ, билигин кыра оҕотун көрөн олорор, культура дыбарыаһын эмиэ биир солбуллубат үлэһитэ:
- Күндү ийэлэр! Эһигини Саха сирин ийэлэрин күнүнэн ис сүрэхпиттэн эҕэрдэлиибин. Баҕарабын хас биирдиигитигэр Саха алмааһыныы кытаанах доруобуйаны, Чолбон сулустуу чаҕылхай умнуллубат түгэннэри, хаһан да уостубат күүстээх тапталы.
Тойук, оһуокай тылларын бастыҥ этээччилэртэн биирдэстэрэ, үс кэрэ кыталык кыыс күн-күбэй ийэлэрэ Надежда Корякина:
- Күндү ийэлэри, бу Аан дойдуга саамай чугас дьоммутун, Ийэ күнүнэн эҕэрдэлиибин! Баҕарыам этэ самныбат санааны, уостубат уйгуну. Алаһа дьиэлэригэр куруук сылааһынан эрэ илгийдин, дьол, үөрүү эрэ тосхойдун!
Бу курдук үлэ үөһүгэр сылдьар, биир дойдулаахтарын күннэтэ үөрдэр культура үлэһиттэрэ истиҥ эҕэрдэлэрин тиэрдэллэр. Бэйэбит өттүбүтүттэн кинилэргэ сыралаах үлэлэрин иһин махтанабыт уонна үрдүк ситиһиилэри баҕарабыт.
Василина Татаринова.