Хапсаҕайдьыттарынан аатырар кэрэ айылҕалаах Кэбээйи улууһун Мукучу нэһилиэгин киэҥ туонатыгар Кэбээйи оройуонун бириистэригэр, уолаттарга өрөспүүбүлүкэтээҕи хабыр хапсыһыы хапсаҕай күрэҕэ олунньу 15 күнүгэр буолан ааста.
Бүлүү куоратыттан, тыаларыттан, Кэбээйи бары тыалара, ҮөҺээ Бүлүүттэн, Үөһээ Дьааҥыттан хапсаҕайы таптааччылар бары муһуннулар. Бүлүү улууһун Кытыы сытар Кыргыдай нэһилиэгиттэн Егор Семенович Осипов салайааччылаах үс уол түүннэри айаннаан хапсаҕай киэҥ көбүөрүн эттэринэн-хааннарынан билэн, хапсыһыы бэрдин түһэрэн кыайыы көтөллөөх кэллилэр. 5 кылаас үөрэнээччилэрэ Эрхаан Игнатьев 30 киилэҕэ иккис, Степан Иннокентьев 43 киилэҕэ иккис бочуоттаах миэстэлэри суруннулар. Улахан уолаттарга 50 киилэҕэ Алексей Мучурунов «Кыайыыга дьулуурун иһин» анал аат кыайыылааҕа буолла. Уолаттар киэҥ көбүөргэ холонон, ааттаахтардыын алтыһан, күүстээхтэрдиин мускуһан эйгэлэрэ өссө кэҥээтэ, сатабыллара үрдээтэ. Уолаттарга ситиһии чыпчаалыгар тахсалларыгар барыыны-кэлиини уйуммут төрөппүттэргэ махталбыт муҥура суох, өссө да сайдан, тахсан истиннэр. Дьиэ кэргэҥҥитигэр үөрүүнү-көтүүнү, дьолу баҕарабыт. Өбүгэ номоҕо этэринии «Кыайтарыы кыһыытын билбэккэ, кыайыыга кылыйан тиийбэккин».
Василиса Окоемова.