Кыргыдай нэһилиэгин тэрилтэлэрэ,түмсүүлэрэ СВО-ҕа сылдьар байыастарга, блиндажнай чүмэчи оҥоруутугар Арассыыйа үрдүнэн биллэриллибит акцияҕа кыттыһан, 114 устууканы оҥорон бэлэмнээтилэр.
Ол иһигэр «Туйаара» үҥкүү-ырыа бөлөҕө 20 устууканы, аҕам саастаахтар түмсүүлэрэ, «Туску» норуот айымньытын Дьиэтин кэлэктиибэ, эдэр хаһаайкалар 86 устууканы, биирдиилээн дьоннортон Е.С. Наумова — 6 устууканы, С.Д. Колтовская — 2 устууканы оҥордулар.
Нэһилиэк олохтоохторо чүмэчи, кэнсиэрбэ бааҥкатын, А.В. Кырбасова салайааччылаах «Илин» бааһынай хаһаайыстыба 100 устуука чүмэчини аҕалан, улаханнык көмөлөспүттэрин тоһоҕолоон бэлиэтиир наадалаах. Ону таһынан «Дайыы» үҥкүү бөлөҕө 9 миэтирэ усталаах, 1,70 миэтирэ кэтиттээх маскировочнай сетка баайдылар.
Бу курдук Кыргыдай нэһилиэгин олохтоохторо бары биир санаанан кыайыы туһугар, СВО-ҕа сылдьар биир дойдулаахтарбыт эйэлээх олоххо этэҥҥэ эргиллэн кэлэллэригэр баҕаран туран, көмө тэрээһиннэргэ көхтөөхтүк кыттабыт.
Павлина Кырбасова.