Бу күннэргэ нэһилиэкпит иистэнньэҥнэригэр Балаҕаччыттан норуот маастара Нина Николаевна Макарова кэлэн, туос оҥоһуктары тигии кистэлэҥнэригэр 2 күннээх маастар-кылаас ыытта.
Иистэнньэҥнэр тууйас, ыаҕайа, мэһэмээн тиктилэр. Бастакыларын да тикпиттэр бааллар. Маастар сүбэтинэн бэйэлэрин илиилэринэн тутан-хабан, маннык кэрэни тикпиттэриттэн үөрдүлэр.
Нина Николаевна чахчы даҕаны норуот маастарын аатын ылыан ылбыт. Кини ис сүрэҕиттэн дьаныһан үөрэтэрин, сүбэлиирин, көмөлөһөрүн астынан, иистэнньэҥнэр махтал маанытын, баһыыба бастыҥын анаатылар.
Павлина Кырбасова.