Оҕолор роботы баһылыырга үөрэнэллэр

Алтынньы 11 күнүгэр Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылыгар уонна уһуйааммыт 10 сыллаах үбүлүөйүгэр аналлаах дьиэ кэргэн «РОБОФЕСТ-24» тэрээһинэ бэрт интэриэһинэйдик буолан ааста.

Манна 8 уһуйаантан («Аленушка», «Алмазик», «Бүлүүчээнэ», «Веселые-нотки», «Солнышко», «Туллукчаан», «Кустук», «Куобахчаан») биирдии дьиэ кэргэн кэлэн кытынна.

Фестиваль арыллыытыгар үлэһиттэр «Аленушка» уһуйаан Өрөгөй ырыатын толорон, оҕолор Лего туһунан хоһоон ааҕан ыалдьыттары эҕэрдэлээтилэр. «Робототехника» куруһуок салайааччылара Надежда Мухоплева уонна Саргылаана Иванова оҕолорго ыытар эбии дьарыктарын үлэтин, ситиһиилэрин кэпсээтилэр. Уһуйааммыт иитиллээччитэ Былахыров Никита Санкт-Петербург куоракка баран робототехника күрэҕэр миэстэлэспит «Нейролабиринт» диэн көрүҥү көрдөрөн дьон биһирэбилин ылла.

Маны таһынан кыттааччылар уһуйаан  оҕолоро бэйэлэрэ легонан онорбут оноһуктарын быыстапкатын көрдүлэр. «Занимательная математика» уонна «Переработка отходов» диэн көрүҥнэргэ оонньоон күрэхтэһэн ыллылар.

Ол курдук «Занимательная математика» көрүҥҥэ бастакы миэстэ Матвеевтар дьиэ кэргэттэрэ («Туллукчаан» уһуйаан), иккис миэстэ Семеновтар дьиэ кэргэттэрэ (“Солнышко” уһуйаан), үһүс миэстэ Саввиновтар дьиэ кэргэттэрэ («Алмазик» уһуйаан) буоллулар.

«Переработка отходов» көрүҥҥэ бастакы миэстэни Александровтар дьиэ кэргэттэрэ («Бүлүүчээнэ» уһуйаан), иккис миэстэни Акимовтар дьиэ кэргэттэрэ («Кустук» уһуйаан), үһүс миэстэни Иннокентьевтар дьиэ кэргэттэрэ (“Аленушка” уһуйаан) ситистилэр.  Кэлбит хас бирдии дьиэ кэргэн,  олус умсугуйан, көхтөөхтүк кытынна.

Түмүккэ кыайыылаах дьиэ кэргэттэр грамоталарынан наҕараадаланнылар. Хас биирдии дьиэ киэргэн фестиваль мэтээлэ уонна минньигэс бириис тутуурдаах, астынан барда. Инникитин маннык, дьиэ кэргэни түмэр, сомоҕолуур тэрээһиннэр элбэхтик буола турдуннар диэн баҕарабыт.

Надежда Мухоплева, Саргылана Иванова.

Читайте дальше