Бүгүн Бүлүү куоратыгар П. Х. Староватов аатынан кыраайы үөрэтэр музей үлэһиттэрэ олус сэргэх тэрээһини ыыттылар.
Саҥа дьыл, Ороһуоспа кэлбитинэн араас эгэлгэ астаах остуол тула олорон ирэ-хоро кэпсэттибит. Бириистээх викторина, таабырын таайдыбыт, куонкурус арааһыгар кытынныбыт. Хоһоон, ырыа иһиттибит. Музей дириэктэрэ Татьяна Николаевна Афанасьева Бүлүү куоратын былыргы историятыттан «Вилюйск православный» диэн экскурсияны олус интэриэһинэйдик ыытта.
Бу сэргэх, истиҥ көрсүһүүнү тэрийбит музей үлэһиттэригэр барҕа махталбытын тиэрдэбит. Инники өттүгэр маннык иллээх, түмсүүлээх үлэһиттэрдээх музей коллективыгар былааннаах үлэҕит, бырайыактаргыт олоххо киирэн иһэллэригэр баҕарабын.
Ирина Нифонова, Чинэкэ.