Чэпчэки атлетикаҕа, ол эбэтэр сүүрүүгэ, «Азия оҕолоро» ахсыс Аан дойдутааҕы оонньууларга элбэх кыттааччы баара биллэр. Бу манна спортсменнар араас уһуннаах дистанцияларга күрэхтэһэллэр. Биллэрин курдук маннык хабааннаах күрэхтэһии улахан көрүүлээх-истиилээх, ирдэбиллээх, мөккүөр тахсар түгэннэрдээх буолар. Улахан оруолу манна судьуйалар оонньууллар. Барытын кэтээн, сыаналаан, көрөн. Бу көрүҥҥэ уопсайа 56 судьуйа баара билиннэ. Олортон биирдэстэрэ биир дойдулаахпыт Парасковья Макарова буолара биһигини үөртэ.
Парасковья Игнатьевна идэтинэн массажист, мануальщик эбит. Кини сүрдээх улахан куонкурсу ааһан, уһуннук үөрэнэн бу судьуйалар хамаандаларыгар киирбит. Хамаандаҕа баар 56 киһиттэн 23 киһи саха сириттэн. Бары кэриэтэ Дьокуускайдар. Парасковья Игнатьевна судьуйалар хамаандаларыгар киирбитэ биһиги оҕолорбутугар улахан табыгастаах буолбут диэххэ наада. Сүүрэн кэлбит оҕону тутатына реабилитациялыыра, этин-хаанын массажтаан, имэрийэн биэрэрэ оҕо чөлүгэр түһэригэр улахан көмө буолар.
Ол да иһин «Азия оҕолоро» VIII оонньууларыгар сүүрүүгэ үрүҥ көмүс мэтээл хаһаайына Владислав Данилов Парасковья Игнатьевнаҕа улахан махталын тиэрдибит буоллаҕа. Биһиги биир дойдулаахтарбыт олоххо көхтөөх позициялаахтара үөрдэр.
Василина Татаринова.