Бүлүү улууһун уопсастыбаннай түмсүүлэрэ үтүө үгэскэ кубулуйбут, 2012 сылтан сылын аайы ыытыллар “Помоги собраться в школу” акциябытын быйыл эмиэ тэрийэн ыыттыбыт.
Бүлүү куоратын уонна нэһилиэктэр түмсүүлэрэ бары бэйэлэрин нэһилиэктэрин элбэх оҕолоох ыалларыгар, аҥардас аҕаларга үөрэххэ туттуллар тэриллэри, школьнай форма, спортивнай көстүүм ылан дьиэлэригэр илдьэн биэрдибит.
Арыылаах нэһилиэгин “Чэбдигирии” түмсүүтүн далбардара, салайааччы Вера Севастьяновна Васильева, 1 кылааска киирэр кырачааннарга Билии күнүгэр үөрүүлээх линейкаҕа бэлэхтэрин туттардылар.
Убаастабыллаах учууталлары, оҕолору быйылгы үөрэх дьыла саҕаламмытынан Бүлүү улууһун уопсастыбаннай түмсүүлэрин аатыттан ис сүрэхпититтэн эҕэрдэлиибит! Баҕарабыт үлэҕитигэр үрдүк ситиһиини, оҕолорго туйгун үөрэҕи.
Мария Томская, Елена Сивцева Бүлүү улууһун уопсастыбаннай түмсүүлэрин салайааччылара.