Сайын аайы биһиги
Сайылыкка тахсабыт,
Сибэккилээх сыһыыга
Сардаана кыысчааным
Сарапаана тэлээрэн
Сүүрэ көтө оонньуура.
Көбүөр курдук көстүүлээх,
Күөх хонуунан тэлээрэн,
Күөрэгэйдиин дьырылаан,
Көтө дайа ыллыыра.
Күннүүн тэҥҥэ сырсара
Көрүлүүрэ дьэргэйэ.
Оҕо сааһын кэмигэр
Оонньуур, сүүрэр хонуута
Олоччу сибэккилээн
Оһуору санатара.
Ойуоккалыыр хонуута,
Оҕо сааһын кэрэтэ.
Варвара Легойская.
Сахалина Павлова хаартыскаҕа түһэриитэ.