Олунньу 17 күнүгэр, күн иккис аҥарыгар, СӨ тас сибээстэһиилэргэ уонна норуоттарын дьыалаларыгар миниистир солбуйааччыта Сергей Хатылыков салайааччылаах lV бөлөх Бүлүү улууһун Тыымпытыгар СӨ Бырабыыталыстыбатын 2024 сыллааҕы үлэтин отчуотун туруорда.
Олохтоохтор оҕо уһуйаанын тутуутун, суол оҥоһуутун, мелиорация, уотунан бигэтик хааччыйыы уо.д.а. боппуруостары туруорустулар.
Үөрэх министиэристибэтин департаменын салайааччытын э.т. Ульяна Сыроватская, «СӨ судаарыстыбаннай сакаасчыт сулууспатын» тыа сиригэр тутуу управлениетын салайааччы Никифор Саввинов, тырааныспар, суол хаһаайыстыбатын министиэристибэтин департаменын сүрүннүүр испэсэлииһэ Николай Аргунов олохтоохтор ыйытыктарыгар толору быһаарыылары биэрдилэр.
Былырыыҥҥы отчуот түмүгүнэн боротокуолга киирбит 12 боппуруостан 3 туолбута, 2 туолбатаҕа, 7 быһаарыыга сылдьаллара этилиннэ.
Мунньаҕы бэҕэһээ I Тоҕус нэһилиэгин баһылыгынан талыллыбыт Анатолий Еремеев салайан ыытта.
Николай Куприянов.