Балаҕаччы нэһилиэгэр Улуу Кыайыы 79 сылын көрсөр тэрээһиннэр ыам ыйын 7 күнүттэн саҕалаан буоллулар.
1945 сыл ыам ыйын 9 күнэ — дьон-сэргэ, норуот улууканнаах Кыайыытын, үтүө санаа хара дьайы самнарыытын кэрэһитэ. Бу дьулаан сэриигэ өстөөҕү өһөрбүт, Кыайыыны аҕалбыт хас биирдии саллаат уонна тыыл үлэһитин модун санаатын кыайыыта. Бу бырааһынньыктааҕы сааскы күннэргэ, Улуу Кыайыынан киэн туттуубут хаһан да толуйуллубат ыар сүтүктэрбит туһунан кутурҕан санаалыын дьүөрэлэһэр.
Балаҕаччыга маҥнайгы күн “Георгиевскай лиэнт” акцияттан саҕаламмыта. Ыам ыйын 8 күнүгэр Мемориалга үгэс буолбут “Свеча Памяти” акция буолан ааста уонна үһүс күҥҥэ Улуу Кыайыы 79 сылын бэлиэтээн миитин ыытылынна.
Манна нэһилиэк тутаах дьоно, ытык кырдьаҕастара ааспыт кэми ахтан-санаан аастылар, кэлэр көлүөнэҕэ анаан алгыс тылларын эттилэр. Миитин кэмигэр «Полевой кухня» тэриллэн, кэлбит ыалдьыттары сылаас хааһынан уонна итии чэйинэн күндүлээтилэр.
Киэһэ Балаҕаҥҥа итии чэйдээх, ырыа аргыстаах бырааһынньыктааҕы остуолга муһуннулар. Кыайан кэлбэтэх дьоҥҥо, олохтоох дьаһалта бэйэлэрин сэмэй бэлэхтэрин, эҕэрдэлэрин дьиэлэринэн сылдьан туттардылар.
Анна Пермякова.