Быйыл сайын атырдьах ыйын 9 күнүн түүнүгэр Бүлүү куоратын Хомустаах түөлбэтигэр уулусса уотун подстанциятыгар умайыы тахсан эрэрин бэлиэтии көрбүт Надежда Давыдова уонна Ростислав Николаев тутатына МЧС- тарга биллэрбиттэрэ. Онон туһааннаах сулууспалар көмөҕө суһаллык кэлбиттэрин тоһоҕолоон бэлиэтиэххэ наада.
Ол курдук баһаарынай сулууспа дьуһуурустубалыы сылдьар байыастара бастакынан кэлбиттэрэ уонна үөскээбит балаһыанньа быһаарыллыар диэри кэтээн көрбүттэрэ. Онтон куораппыт дьаһалтата суһал миэрэни ылынан,электригин көмөтүнэн подстанция араарыллан умайыы түргэнник тохтотуллубута. Ити курдук Дьокуускайдааҕы медколледж үһүс кууруһун устудьуоннара Надежда Давыдова уонна Ростислав Николаев болҕомтолоох буоланнар уонна сотовай сибээһинэн туһааннаах сулууспаҕа чуолкайдык биллэрэ охсоннор улаханнык абыраабыттара.
Түөлбэ олохтоохторун ааттарыттан кинилэргэ улахан махталбытын уонна үтүө баҕа санаабытын тириэрдэбит. Онтон подстанциябыт оҥоһуллан, билигин күһүҥҥү хараҥаҕа уулуссабыт уота сандаара сырдатарыттан олохтоохтор үөрэбит уонна астынабыт.
Муза Федорова.