Дьокуускай куорат туонатыгар “Туймаада” академическай кэнсиэртиир саалатыгар СӨ народнай артыыһа, Мэҥэ-Хаҥалас, Үөһээ Бүлүү, Кэбээйи улуустарын, Дьокуускай куорат, Саха сирин бочуоттаах олохтооҕо, самодеятельнай композитор, уостан түспэт элбэх ырыалардаах, саха дьоно киэн туттар спортсмена, ырыаһыта Аркадий Михайлович Алексеев үбүлүөйдээх 10-с төгүлүн ыытыллар ырыатын күрэҕэр барыта 11 улуустан 50-тан тахса ырыаһыт кытынна.
Түмүк Гала-кэнсиэрт Былатыан Ойуунускай аатынан Саха академическай, драматическай театрыгар олус ситиһиилээхтик буолан ааста.
Бүлүүттэн биһиги киэн туттар ырыаһыттарбыт Матрена Сивцева 3 истиэпэннээх лауреат аатын, Николай Иванов — 1 истиэпэннээх дипломан үрдүк аатын ылыан ыллылар. Түмүктүүр кэнсиэрткэ ыҥырыылаах күндү ыалдьыт буолан И. Алексеев тылларыгар, А.Алексеев мелодиятыгар «Умнуллубат ол кустук” ырыатынан Иван Данилов кыттан, көрөөччү сэҥээриитин, биһирэбилин ылла.
Елена Туласынова,
СӨ култууратын туйгуна.