Сүүрүк Киргиэлэй Мосов ситиһиитэ

Балаҕан ыйын 3 күнүгэр долгуйар Дьокуускай куоракка 5-10 км сүүрүүгэ барыта 80 киһи, ол иһигэр 82-н лаппа тахсыбыт аарыма кырдьаҕастар эмиэ кытыннылар. Бу буолар тимир курдук хатарыллыбыт быһый оҕонньоттор, көрөн сөҕөн эрэ кэбиһэҕин.

Халлаан сөрүүн тыаллаах этэ да, онтон иҥниэхтэрэ дуо, оннооҕор кыһын бытарҕан тымныыга сүүрэр дьон.

Биһиги улуустан күннэтэ көрөр-билэр киһибит, 85-гэр сылдьар Киргиэлэй Мосов, өрүү буоларыныы, 5 км сүүрдэ, 42 мүн. Кэлэн биэтэккэ бастакынан түмүктээтэ. Оҕонньор мөлтөөһүн барбыт, бириэмэм соччото суох диэн хайдах эрэ хомойор курдук тутунна.

Киргиэлэй Мосов 94-с мэтээлин үөрүүлээх быһыыга кэтэртилэр. Биһиги киниэхэ үчүгэй киппэ доруобуйаны, төһө кыалларынан кыайа-хото срыттын диэн бар дьон аатыттан эҕэрдэбитин тириэрдэбит.

Биһиги корр.

Хаартыска редакция архивыттан.