Бүгүн, балаҕан ыйын 6 күнүгэр, Бүлүү куоратын Ленин болуоссатыгар үбүлүөйдээх сылга оскуолаҕа киирбит кырачааннарга үөрүүлээх линейка ыытылынна.
Оҕолорго умнуллубат үтүө өйдөбүл буолбут бырааһынньыкка эҕэрдэ тыллар этилиннилэр, өйдөбүнньүк бэлэхтэри туттардылар. Аны 10 сылынан, быйыл оскуолаҕа киирбит оҕолоро бүтэрэллэригэр, Бүлүү куората төрүттэммитэ 400 сылыгар арыйарга диэн кэм капсулатын куорат баһылыга Ян Поповка туттардылар.
