Бүлүү улууһугар өрөспүүбүлүкэ араас муннуктарыттан түмүллүбүт 100 ыччаттаах «За нас — за Победу» десант кэлэ сылдьар.
Ыччаттар Бүлүүгэ араас үлэ фронугар көхтөөхтүк кытыннылар. Ол курдук куорат уулуссаларын бөхтөн-сыыстан хомуйдулар, Хомустаах гаас просекатын солоотулар, 2-с нүөмэрдээх оскуола парковкатын кэҥэтэн мастан ыраастаатылар, Ыччат библиотекатыгар тротуар билииткэтин тэлгээтилэр.
Мантан салгыы ыччаттар «Эдэр Бүлүү» слетугар кытталлар. Бүлүү куоратыгар уонна нэһилиэктэригэр сылдьан байыаннай эпэрээссийэ кыттыылаахтарын дьиэ кэргэттэригэр көмөлөһөн дьиэ араас ис-тас үлэтин толоруохтара.
Ыччат десана үлэтин олунньуттан саҕалаабыта. Бүлүү улууһа маршруттарыгар 12-с улуус буолар.
Изольда Загитова.
Василина Татаринова хаартыскаҕа түһэриитэ,
Николай Харлампьев видеота.