Олунньу 14 күнүгэр Өлөөн улууһун Ээйик нэһилиэгэр Үгүлээппит талааннаах дьонун күүһүнэн «Ис сүрэхтэн» диэн кэнсиэртээх ыалдьыттаан кэллибит.
Айаммытыгар нэһилиэкпит баһылыга Октябрь Иванович Лукин ООО «Геотек» Москватааҕы геологтар тэрилтэлэрин салалтатын кытта кэпсэтэн, вахтовка Камаз массыыналарынан баран кэллибит. Суоппарбыт Марков Александр эйэҕэс, кэпсэтинньэҥ киһи буолан биэрдэ. Барарбытыгар 15 чаас айаннаан тиийдибит.
Ээйик баһылыга Петрова Евдокия Ильинична, нэһилиэк олохтоохторо толору астаах остуол тэрийэн, дьаһалта дьиэтигэр көрүстүлэр.
Тото-хана аһаан баран киэһэ 10 чаастан, төһө да хойутаатарбыт, кэнсиэрпитин саҕалаатыбыт. Сылаас ытыс тыаһыгар уйдаран ырыаһыттарбыт, үҥкүүһүттэрбит, сыанкаларга оонньообут артыыстарбыт олус астынан, дуоһуйан кэллилэр.
Эйэҕэс санаалаах Ээйик нэһилиэгин олохтоохторугар, хоннорбут тэрилтэлэргэ, аймахтарга, Ээйик нэһилиэгин баһылыгар Евдокия Ильиничнаҕа, суоппарбытыгар Александр Марковка,Үгүлээппит нэһилиэгин баһылыгар Октябрь Ивановичка, кэнсиэркэ кыттыбыт дьоммутугар-сэргэбитигэр махталбытын биллэрэбит. Куруук маннык биир сомоҕо буолуоххайын!
«Сайдам» КСК кэлэктиибэ.