Баппаҕаайы олохтоохторо “Алаһа” Сынньалаҥ киинигэр арыллыбыт “Баппагай-Синема” кинотеатрга саҥа киинэлэри сэргээн көрөллөр.
“Алаһа” сынньалаҥ киинин дириэктэрэ Вероника Харлампьева билиһиннэрбитинэн, 50 тыһыынчаттан аҕыйах ахсааннаах нэһилиэнньэлээх пууннарга аналлаах субсидия куонкурсугар кыттан кыайбыттарын түмүгэр, “Экстра-Синема” киинэ көрдөрөр оборудованиетын ылбыттар уонна балаҕан ыйын 28 күнүгэр “Баппагай-Синема” кинотеатры үөрүүлээхтик арыйбыттар.
Саҥа кинотеатр бастакынан сахалыы “Айа да айан” киинэни көрдөрбүт. Нэһилиэк олохтоохторо, оҕолор кинотеатр арыллыытыгар тоҕуоруһа мустан сырдык улахан экраҥҥа сахалыы киинэни бэркэ сэҥээрэн көрбүттэр.
Оскуола үөрэнээччилэрин каникуллара саҕаламмытынан бу нэдиэлэҕэ оҕолорго араас ойулуктары көрдөрүөхтэрэ.